Söwda we ulag – Hazarýaka ýurtlarynyň abadançylygyna we rowaçlygyna itergi berýän güýç
Sişenbe güni Aşgabatda Eýranyň daşary işler ministri Huseýn Amir Abdullahian Hazarýaka döwletleriniň DIM-niň ýolbaşçylarynyň duşuşygynda çykyş edip, göni başlangyç ugurlar baradaky ylalaşygyň ähmiýetini nygtady.
Hazar deňziniň hukuk derejesi hakynda Konwensiýa gol çekilen wagtyndan bäri geçen dört ýylda öňe köp ädimler ädildi, emma, ozalkylar ýaly, suw giňişliginde, düýbünde we suw atyndaky baýlyklarda çäk çekmek ýaly meseleler çözülmän galýar.
Göni başlangyç ugurlar baradaky ylalaşygyň taslamasyny işläp düzmek üçin ýokary derejedäki Iş topary döredildi, ol eýýäm resminamany tamamlamak üçin dört mejlisini geçirdi.
Umuman, Abdullahian Hazaryň ýakasyndaky ähli döwletleriň bähbitlerini göz öňünde tutmaga gönükdirilen Hazar konwensiýasyny durmuşa geçirmegiň çäklerinde Hazarda bäştaraplaýyn hyzmatdaşlygyň öňe ilerleýändigini belledi. Kenarýaka döwletler özara gatnaşyklardan diňe utuş gazanmalydyrlar.
Eýranyň DIM-niň ýolbaşçysynyň pikirine görä, ministrleriň şu duşuşygynda aýratyn üns berlen söwda we ulag ulgamy Hazarýaka ýurtlarynyň ösüşini, abadançylygyny we rowaçlygyny gazanmak ugrunda alnyp barylýan işlerde itergi berýän güýçdir.
ORIENT news
