Türkmenistan Tatarystana okamaga ibermek üçin talyplaryň sanyny artdyrmagy maksat edinýär
Türkmenistan milli ykdysadyýeti we ýokary tehnologiýalar ulgamy üçin Russiýa Federasiýasynyň Tatarystan Respublikasynyň ýokary okuw mekdeplerinde işgärleri taýýarlamagyň gerimini yzygiderli giňeltmäge taýýardyr. Bu barada türkmen parlamentiniň ýokary palatasynyň Başlygy Gurbanguly Berdimuhamedow KazanSummit 2022-de çykyş edeninde aýtdy.
Halk Maslahatynyň Başlygy häzirki günde Tatarystanda türkmen talyplarynyň 5 müňden gowragynyň ýokary bilim alýandygyny, respublikanyň bolsa kuwwatly ylmy-önümçilik mümkinçiligine eýedigini belledi.
Şeýle hem “Russiýa-Yslam dünýäsi: KazanSummit 2022” XIII Halkara ykdysady sammitiniň çäklerinde Milli Geňeşiň Halk Maslahatynyň Başlygy RF-niň ykdysady ösüş ministri Maksim Reşetnikow bilen duşuşyk geçirdi.
Duşuşykda söwda-ykdysady hyzmatdaşlygy ösdürmegiň meseleleri ara alnyp maslahatlaşyldy, Türkmenistanyň ykdysadyýetiniň dürli pudaklarynda rus işewürliginiň gatnaşmagynda durmuşa geçirilýän geljegi uly taslamalara garaldy.
ORIENT news
