Türkmen lideri Gazagystanyň döwlet baştutanyny doglan güni bilen gutlady
Türkmenistanyň Prezdenti Serdar Berdimuhamedow Gazagystanyň döwlet baştutany Kasym-Jomart Tokaýewiň adyna onuň doglan güni mynasybetli gutlag hatyny ugratdy. Bu barada Türkmenistanyň resmi metbugat gullugy habar berýär.
Türkmen lideri bu günki günde Gazagystanda Tokaýewiň baştutanlygynda döwlet özygtyýarlygyny berkitmäge, ýurduň halkara arenasynda abraýyny ýokarlandyrmaga, ilatyň maddy hal-ýagdaýyny gowulandyrmaga ýardam edýän göwrümli özgerişlikleriň amala aşyrylýandygyny nygtady.
Şeýle-de, Berdimuhamedow ýurtlaryň arasyndaky ikitaraplaýyn özara hyzmatdaşlygyň mundan beýläk-de gyşarnyksyz ösmegini dowam etjekdigine ynam bildirip, Gazagystanyň döwlet baştutanynyň Türkmenistan bilen strategiki we hoşniýetli goňşuçylyk gatnaşyklary ösdürmäge berýän şahsy ünsüni belläp geçdi.
17 maýda Gazagystanyň Prezidentiniň 69 ýaşy doldy.
ORIENT news
