Ahalda “Täze saba” HJ-niň diş çotgalaryny öndürýän täze zawody açyldy
“Täze saba” hojalyk jemgyýeti Türkmenistanyň Ahal welaýatynyň Gökdepe etrabynyň Ýaňgala obasynda diş çotgalaryny öndürýän täze zawody işe girizdi diýip, ORIENT-iň habarçysy habar berýär.
Bahasy 22 million manada barabar bolan desga bir ýylda CV Dent söwda nyşanly diş çotgalarynyň 5 million sanysynyň, taýýarlanylmagyny üpjün eder, geljekde onuň önümçiligini ýylda 22 million sana çenli giňeldip bolar. Zawodyň taýýar önüminiň bahasy ýurdumyza daşary ýurtlardan getirilýän şunuň ýaly önümleriň bahasyndan 10 esse arzan bolar.
Kärhanada täze iş orunlarynyň 34-si döredilip, geljekde onuň möçberini 100-e çenli artdyrmak mümkinçiligi bar. Bu bolsa döwletiň işe ýerleşmek babatda ýaşlar syýasatynyň Gökdepe etrabynda durmuşa geçirilmegine ýardam berer.
Zawodyň önümleri agyry dörediji bakteriýalaryň köpelmegini aradan aýyrýan polimer serişdelerinden taýýarlanylar. Çig maly esasy iberijileri ýurdumyzyň polipropilen öndürjisi bolan Gyýanlydaky polimer zawodydyr we Italiýanyň neýlon sapaklaryny öndürjisi bolup durýar.
Zawodda önümçilik iň täze programma üpçünçiliginiň ulanylmagy arkaly doly awtomatlaşdyrylandyr, çünki diş çotgalary arassaçylygyň üpjün edilmegini talap edýän gigiýena önümi bolup durýar. Awstriýanyň we Germaniýanyň önümçilik enjamlary dişleriň sagdynlygyna seretmäge niýetlenilen serişdeleriň her günde ýigrimi bäş müňe çenlisiniň öndürilmegini üpjün edýär.
“Täze saba” HJ-i şu ýyl diş çotgalarynyň 4,2 million sanysy öndürdi, olaryň 2,6 milliony daşary ýurtlara eksport edildi, 1,6 million sanysy bolsa içerki bazarda ýerlenildi. Kärhana Türkmenistanyň çäklerinde her aýda gigiýena önümleriniň 150 müňden gowragyny satýar.
Häzrki wagtda CV Dent diş çotgalary Birleşen Arap Emirliklerine, Russiýa, Gazagystana, Özbegistana, Azerbaýjana, Owganystana, Belarusa we Türkiýa satuwa ugradylýar. Ýakynda “Täze saba” halkara hil ölçeglerine laýyk gelýän ISO 9001-2015, ISO 14001-2015 we ISO 45001-2018 sertifikatlaryny aldy. Bu bolsa Hojalyk jemgyýetine Ýewropa ýurtlaryna hem-de ABŞ-a eksport etmegi giňeltmäge mümkinçilik berýär.
ORIENT news
