Türkmen burawlaýjylary Uzynada ýatagynda uglewodorodyň täze akymyny aldylar
“Türkmennebit” döwlet konserniniň “Nebitgazburawlaýyş” trestiniň “Ekerem” burawlaýyş müdirliginiň işgärleri Uzynada ýatagynda 6750 metr çuňlukdaky №77 guýyny işläp taýýarlamagyň çäklerinde tebigy gazyň hem-de nebit kondensatynyň senagat akymyny aldylar diýip, Türkmenistanyň nebitgaz toplumynyň saýty habar berýär.
Uglewodorodyň akymy 6692-6706 metr çuňlukdan alyndy. Burawlaýjylar tehniki-sazlaýyş işlerini geçirip, guýyny “Gumdagnebit” nebit-gaz çykaryş müdirliginiň nebitçilerine ulanmaga tabşyrdylar.
Häzirki wagtda guýydan bir gije-gündizde alynýan önüm 91 müň kubmetr tebigy gaza we 70 tonna nebit kondensatyna deňdir. “Nebitgazburawlaýyş” trestiniň burawlaýjylary şu ýylyň dört aýynda önümli guýylaryň jemi 10-syny ulanyş hataryna goşdular.
ORIENT news
