Türkmenistan we Özbegistan parlamentara gatnaşyklaryny berkitmegi maksat edinýärler
Türkmenistanyň parlamentiniuň ýokary palatysynyň Başlygy Gurbanguly Berdimuhamedow Özbegistanyň Prezidenti Şawkat Mirziýoýew bilen ýurtlaryň arasynda strategik hyzmatdaşlygy pugtalandyrmagyň möhüm meselelerini ara alyp maslahatlaşdy.
Söhbetdeşligiň dowamynda taraplar ikitaraplaýyn we sebitleýin görnüşde netijeli parlamentara gatnaşyklarynyň ösdürilmegine aýratyn üns berdiler.
Mirziýoýew Berdimuhamedowy Aşgabatda möhüm Halkara çäreleriniň—Merkezi Aziýa döwletleriniň we Russiýanyň ilkinji Parlamentara forumynyň hem-de MA döwletleriniň we RF-iň Zenanlarynyň diologynyň üstünlikli geçirilmegi bilen gutlady. Özbegistanyň Baştutany Türkmenistanyň Halk Maslahatynyň Başlygynyň foruma yzygiderli häsiýet bermek baradaky teklibini goldady.
Şeýle hem söhbetdeşler halkara gün tertibi boýunça pikir alyşdylar, şol sanda parahatçylygyň we howpsuzlygyň üpjün edilmegine hem-de Owganystanyň ykdysady taýdan täzeden dikeldilmegine ýardam bermek baradaky meselelere degip geçdiler.
ORIENT news
