Yrak ABŞ-nyň ýolbaşçylygyndaky halkara bileleşikleriň güýçleriniň doly çykarylandygyny tassyklady
Yragyň Premýer-ministri Ali al-Zaidi 1-nji oktýabrda ABŞ-nyň ýolbaşçylygyndaky halkara bileleşikleriň güýçleriniň ýurtdan doly we gutarnykly çykarylandygyny mälim edip, munuň möhüm tapgyryň tamamlanandygyny we milli özygtyýarlylygyň doly dikeldilendigini aýtdy.
Onuň sözlerine görä, 1-nji oktýabr ähli ýaraglaryň döwlet gözegçiligine geçirilmegi meselesinde hem täze tapgyryň başlangyjy boldy. Hökümet degişli ýol kartasyny 2027-nji ýylyň 30-njy iýunyndan gijä galman durmuşa geçirmegi maksat edinýär.
Al-Zaidi howpsuzlygy we durnuklylygy pugtalandyrmak, şeýle hem serhetlere gözegçiligi güýçlendirmek maksady bilen ýurduň çäginde ýerleşýän ähli yrakly däl ýaragly toparlaryň doly ýaragsyzlandyrylmagyny gazanjakdyklaryny aýtdy.
"CCTV+"-niň habar berşi ýaly, bileleşigiň missiýasynyň tamamlanmagy ýurduň howpsuzlygy üçin jogapkärçiligi täze tapgyra geçirýär. Bu tapgyrda Bagdadyň öňünde esasy wezipeler ýaragly düzümlere gözegçilik etmekden ybaratdyr.
