Samsung Galaxy S23 we Galaxy S24 Ultra seriýaly smartfonlar üçin One UI howpsuzlyk täzelenmesini çykardy
Samsung kompaniýasy Galaxy S23 we Galaxy S24 Ultra seriýaly flagman smartfonlar üçin täze sentýabr aýynyň howpsuzlyk patchyny ýaýratmaga başlady.
Galaxy S23, S23+ we S23 Ultra enjamlary üçin göwrümi takmynan 562 MB bolan S918BXXSAFZI1 belgili täzelenme çykaryldy. Öz gezeginde, Ýewropadaky Galaxy S24 Ultra ulanyjylary göwrümi 442 MB bolan S928BXXS3AXI1 programma üpjünçiligini alyp başladylar.
Bu bukjanyň çykarylmagynyň esasy maksady Android operasion ulgamynyň we Samsung-yň öz One UI interfeýsiniň umumy gorag derejesini ýokarlandyrmakdan ybarat. Täzelenme ulgamda ýüze çykarylan möhüm gowşaklyklary aradan aýyrýar, maglumatlaryň howpsuzlygyndaky boşluklary ýapýar we enjamlaryň has durnukly işlemegi üçin käbir anyk näsazlyklary düzedýär.
Programma üpjünçiliginiň täzelenmeleri sebitler boýunça tapgyrlaýyn ýaýradylýar. Smartfon eýeleri täzelenmäniň elýeterliligini enjamyň sazlamalar menýusyndaky «Programma üpjünçiligini täzelemek» bölüminden barlap bilerler.
ORIENT
