Google täze Gemini 4 Argon neýroulgamyny tanyşdyrdy
Google kompaniýasy çylşyrymly iş meselelerini çözmek, programmirlemek we maglumatlary goramak üçin döredilen özüniň Gemini 4 Argon iň kämil emeli aň modelini tanyşdyrdy.
Täze neýroulgam programma koduny ýazmak, işewürlik proseslerini awtomatlaşdyrmak, şeýle hem maliýe we hukuk resminamalary bilen işlemek boýunça geçirilen synaglarda bäsdeşlerinden öňe geçdi. Mundan başga-da, emeli aňyň wideolary tanamak we köp mukdardaky maglumatlary seljermek ukyby has-da kämilleşdirildi.
Işläp düzüjileriň aýtmagyna görä, akylly kömekçi uzak wagt we köp zähmet talap edýän sanly meseleleri öz üstüne alyp, hünärmenleriň wagtyny tygşytlap bilýär. Şeýle-de bolsa, bilermenler modeliň hakyky mümkinçilikleriniň entek iş ýüzünde barlanmalydygyny belleýärler.
Ilkinji tapgyrda Gemini 4 Argon modeline giriş çäkli sanly synagçylara berler, soňra bolsa korporatiw ulanyjylar we Google AI Ultra hyzmatynyň abonentleri üçin elýeterli bolar.
ORIENT
