Honor kompaniýasy Magic 9 Pro Max superflagmany dünýä bazaryna çykardy
“Honor” kompaniýasy täze tehnologiýa flagmany — Magic 9 Pro Max smartfonynyň halkara satuwlarynyň başlanandygyny habar berdi. Bu model ýokary derejede özbaşdak işlemek mümkinçiligine, korpusynyň berkligine we professional kameralaryň derejesindäki surata düşüriş hiline ähmiýet berýän ulanyjylar üçin döredildi.
Täzeligiň esasy artykmaçlygy kämilleşdirilen kamera ulgamydyr. Smartfon şekili işlemek üçin iki çip we iki sany 200 megapiksellik obýektiw bilen enjamlaşdyrylandyr. Bu bolsa örän uzakdaky obýektleri hem aýdyň surata düşürmäge, şeýle-de ýagtylygyň pes şertlerinde bulaşyklyk döretmezden ýokary hilli kadrlary almaga mümkinçilik berýär.
Uzak wagtlap işlemek mümkinçiligini kuwwatly, göwrümi 8800 mA·sagat bolan akkumulýator üpjün edýär. Ol işjeň peýdalanmakda birnäçe güne çenli ýeterlikdir. Smartfon aşa çalt zarýad bermegi hem goldaýar: sim arkaly 100 W, simsiz bolsa 80 W. Mundan başga-da, enjamyň korpusy suw we tozandan iň ýokary derejeli gorag bilen üpjün edilendir: smartfon diňe suwa çümdürilmäge däl, eýsem basyş astyndaky gyzgyn suw akymlarynyň täsirine hem çydap bilýär.
Honor Magic 9 Pro Max-yň dünýä bazaryna çykarylmagy ulanyjylara professional foto enjamynyň mümkinçiliklerini we gündelik işler üçin ýokary ygtybarly enjamyň aýratynlyklaryny özünde birleşdirýän flagmana eýe bolmaga mümkinçilik berýär.
ORIENT
