Türkmenistan bilen Azerbaýjan gämi gurluşyk ulgamynda hyzmatdaşlygy ösdürýär
Sentýabr 10, 2026 | 23:20 |3192
Türkmenistanyň «Balkan» gämi gurluşyk we abatlaýyş zawodynyň hem-de Türkmenistanyň Azerbaýjandaky Ilçihansynyň wekillerinden ybarat bolan türkmen wekiliýeti 8-nji sentýabrda Baku Shipyard (Baku gämi gurluşyk zawody) kärhanasyna baryp gördi, diýip azerbaýjan kärhanasynyň sosial ulgamlarynda habar berilýär.
Saparyň dowamynda wekiliýetiň agzalary zawodyň ýolbaşçylygy bilen duşuşdylar. Taraplar kärhanalaryň işi, gämi gurluşyk we abatlaýyş mümkinçilikleri, häzirki taslamalar we mundan beýläki hyzmatdaşlygyň geljegi barada pikir alyşdylar.
Ondan soň wekiliýet Baku gämi gurluşyk zawodynyň önümçilik meýdançasy, infrastrukturasy we tehniki mümkinçilikleri, şeýle hem ýerine ýetirilýän işleriň gidişi bilen tanyşdylar.
