«Arkadag» AFK-nyň II Çempionlar ligasynda Hindistanyň «Goa» toparyndan ynamly ýeňiş gazandy

Awgust 14, 2026 | 12:50 |1795

Türkmenistanyň «Arkadag» futbol topary 2026/27-nji möwsümde AFK-nyň II Çempionlar ligasynyň deslapky tapgyrynyň duşuşygynda Hindistanyň «Goa» futbol toparyndan ynamly ýeňiş gazandy.

Duşuşyk Arkadag şäheriniň 10 müň tomaşaçy üçin niýetlenen stadionynda geçirildi we türkmen toparynyň peýdasyna 3:0 hasabynda tamamlandy.

Hasap 61-nji minutda açyldy — Meýlis Diniýew tapawutlandy. Üç minutdan soň «Arkadagyň» artykmaçlygyny Rahman Myratberdiýew artdyrdy. Duşuşygyň 75-nji minutynda bolsa Arzuwguly Sapargulyýew jemleýji goly geçirdi.

«Arkadag» futbol toparyny ynamly ýeňiş gazanmagy bilen gutlaýarys we Aziýanyň klublaýyn ýaryşynda mundan beýläk hem üstünlikler arzuw edýäris!