Sankt-Peterburg halkara gaz forumy 2027-nji ýyla geçirildi
2026-njy ýylyň 6–9-njy oktýabry aralygynda geçirilmegi meýilleşdirilen XV ýubileý Sankt-Peterburg halkara gaz forumy (SPHGF) indiki ýylyň aprel aýyna geçirildi. Bu barada «Gazprom» kompaniýasy resmi beýanatynda habar berdi.
Forumyň senesini üýtgetmek baradaky karar 2026-njy ýylyň oktýabr aýynda geçiriljek iri halkara çäreleriň köplügi bilen baglanyşykly kabul edildi. Şol döwürde Russiýanyň energetika hepdeligi, Gaz eksport ediji ýurtlaryň forumynyň (GECF) döwlet we hökümet Baştutanlarynyň sammiti, şeýle hem «Russiýa — Afrika» sammiti geçirilmegi meýilleşdirilýär.
Sankt-Peterburg halkara gaz forumy 2011-nji ýyldan bäri geçirilip gelýär we dünýä energetikasynyň ileri tutulýan meselelerini ara alyp maslahatlaşmak üçin möhüm halkara meýdançalaryň biri hasaplanýar.
2025-nji ýylda geçirilen SPHGF öz taryhyndaky iň iri forum boldy. Oňa 52 ýurtdan 35,8 müňden gowrak wekil gatnaşdy, 51 müň inedördül metr sergi meýdançasynda bolsa 620 kompaniýa öz innowasion işläp taýýarlamalaryny hödürledi.
