Türkmenistanyň DIM-i Hazar deňziniň suw giňişliginde deňiz gämisine edilen hüjümiň ýol berilmesizdigini mälim etdi
Iýul 28, 2026 | 06:02 |2267
Türkmenistanyň Daşary işler ministrligi halkara köpçülikleýin habar beriş serişdelerinde 25-nji iýulda Hazar deňziniň suw giňişliginde deňiz gämisine edilen hüjüm baradaky habarlar bilen baglanyşykly resmi beýanat bilen çykyş etdi.
Şunuň bilen baglylykda, Türkmenistanyň Daşary işler ministrliginde şeýle hereketleriň ýol berilmesizdigini beýan edildi.
“Türkmenistan hazarýaka döwletleriniň biri bolmak bilen, Birleşen Milletler Guramasy tarapyndan ykrar edilen hemişelik Bitaraplyk hukuk ýagdaýyna eýe bolan ýurt hökmünde Hazar deňziniň parahatçylygyň, agzybirligiň we hoşniýetli goňşuçylygyň deňzidigini belleýär” — diýip, DIM-niň KHBS üçin maglumatynda aýdylýar.
