Türkmenistanyň ýaşaýjylaryna amatly tomus howasy bolan hepde garaşýar
Türkmenistanyň ýaşaýjylaryna ýakyn günlerde has amatly iş hepdesi garaşýar. Ýakyn wagtda ýurdumyzyň köp sebitlerinde howanyň temperaturasy ortaça derejede bolup, +32…+36 °C-den ýokary geçmez. Käbir welaýatlarda bolsa ýeliň güýçlenmegine garaşylýar.
Welaýatlar boýunça howa maglumatlar:
Aşgabat şäheri we Ahal welaýaty:
Hepdäniň birinji ýarymynda howa has ýumşak bolar — sişenbe we çarşenbe günleri gündizine temperatura +32…+35 °C töweregi bolar. Penşenbe we anna günleri termometrleriň görkezijisi +36…+37 °C çenli ýokarlanar. Dynç günlerinde (şenbe we ýekşenbe) tomusky kadaly derejä ýetip, +39…+40 °C bolar.
Daşoguz welaýaty:
Ýurdumyzyň demirgazygynda hepde salkyn howa bilen başlanar — sişenbe güni temperatura bary-ýogy +32 °C bolar, ýeliň tizligi 40 km/s çenli ýetip biler. Anna gününe çenli temperatura kem-kemden ýokarlanyp, +34 °C-den +36 °C çenli bolar. Ýekşenbe güni bolsa +38 °C ýeter.
Mary welaýaty:
Sişenbe we çarşenbe günleri üýtgäp durýan bulutly howa bolup, temperatura +34…+35 °C töweregi bolar. Ýeliň tizligi 37 km/s çenli güýçlenip biler. Howanyň gyzmagy ýuwaş-ýuwaşdan dowam eder: anna güni +37 °C, ýekşenbe güni bolsa +40 °C garaşylýar.
Lebap welaýaty:
Hepdäniň başynda bulutly we şemally howa çaklanylýar (ýeliň tizligi 42 km/s çenli). Sişenbe gününden penşenbe gününe çenli temperatura +34…+35 °C bolar. Şenbe güni +39 °C, ýekşenbe güni bolsa +40 °C derejesine çykar.
Balkan welaýaty:
Hepdäniň ilkinji iş günleri güneşli howa we amatly +35 °C temperatura bilen başlanar. Emma ýurdumyzyň günbatar böleginde howanyň gyzmagy has çalt dowam eder: anna güni +39 °C, ýekşenbe güni bolsa temperatura +42 °C çenli ýetip biler.
