Fujifilm retro stiline bolan gyzyklanmanyň artmagy bilen täze bir gezek ulanylýan foto enjamlaryny çykarýar
Fujifilm kompaniýasy QuickSnap hatarynyň iki sany täze bir gezek ulanylýan plýonkaly foto enjamyny hödürledi. Täze modelleriň 2026-njy ýylyň güýzünde satuwa çykarylmagy meýilleşdirilýär. Kompaniýa ýaş nesliň analog surata düşüriş enjamlaryna we wintaž estetikasyndaky suratlara bolan gyzyklanmasynyň çalt artmagy sebäpli şeýle ädimi ätdi.
Birinji täzelik — QuickSnap Black and White bolup, bahasy 23 ABŞ dollarydyr. Foto enjam ýokary kontrastly, täsirli ýarym öwüşginli we nusgawy digirli gara-ak suratlary almaga mümkinçilik berýän gara-ak plýonka bilen üpjün edilendir. Häzirki zaman ulanyjylary üçin esasy artykmaçlygy — bu plýonkany adaty reňkli plýonkalar üçin ulanylýan standart usul boýunça islendik fotosalonlarda taýýarlap bolmagydyr. Şeýlelikde ýörite ussahanalary gözlemäge zerurlyk ýok.
Ikinji model — 25 ABŞ dollary bahasy bolan goragly QuickSnap Active foto enjamydyr. Ol kyn şertlerde ulanmak üçin niýetlenip, 10 metre çenli çuňlukda suwa çümmegine çydamlydyr. Enjamyň korpusynda suwda ýa-da işjeň dynç alyş wagtynda amatly ulanmak üçin uly düşüriji düwme we plýonkany saramak üçin uly tigir ýerleşdirilendir. Bu model bazarda öňki suw geçirmeýän QuickSnap wersiýasynyň ornuny tutar.
Şeýle enjamlar smartfonlara gowy alternatiwa bolup, oturylyşyklarda, syýahatlarda we kenarýaka dynç alyşlarynda aýratyn, tebigy we gaýtalanmajak pursatlary hiç hili çylşyrymly sazlamalarsyz surata düşürmäge mümkinçilik berýär.
ORIENT
