OpenAI ChatGPT-ni tizleşdirmek üçin Jalapeño atly ilkinji AI çipini döretdi
OpenAI kompaniýasy Broadcom bilen hyzmatdaşlykda emeli aň üçin özüniň ilkinji ýöriteleşdirilen prosessoryny — Jalapeño (“Halapenýo”) atly çipini hödürledi. Bu ädim ChatGPT döredijisiniň daşarky enjam üpjün edijilere garaşlylygyny azaltmaga we öz doly tehnologiýa stek ulgamyny döretmäge mümkinçilik berýär.
Täze çipiň esasy wezipesi — inferensi, ýagny AI hyzmatlarynda ulanyjylaryň gündelik soraglaryny gaýtadan işlemäge degişli prosesi çaltlaşdyrmakdyr. Jalapeño ASIC görnüşli çiplere degişlidir. Nvidia-nyň umumy maksatly grafiki prosessorlaryndan tapawutlylykda, bu täze enjam OpenAI-nyň aýratyn wezipeleri üçin optimizirlenendir. Bu bolsa önümçiligi has arzan, işleýşini bolsa has netijeli edýär.
Prosessory döretmek üçin hyzmatdaşlara dokuz aý gerek boldy. Bu döwürde OpenAI-nyň inženerleri hasaplaýyş ulgamynyň uly bölegini özleri tasladylar we ony çip bilen birleşdirdiler. Kompaniýanyň ýolbaşçylary bu enjamy “intellekt prosessory” diýip atlandyrýarlar we onuň neýro torlaryň tizligini, ygtybarlylygyny we elýeterliligini ýokarlandyrjakdygyny belleýärler.
Çarşenbe güni OpenAI Jalapeño-nyň ilkinji fiziki nusgasyny aldy. Täze prosessorlaryň kompaniýanyň maglumat merkezlerine ornaşdyrylmagy 2026-njy ýylyň ahyryna meýilleşdirilýär.
ORIENT
