Kir Starmer Beýik Britaniýanyň Premýer-ministri wezipesinden gitdi
Beýik Britaniýanyň Premýer-ministri Kir Starmer öz wezipesinden çekilýändigini resmi taýdan yglan etdi. Bu karar ýurduň içki syýasy we ykdysady kynçylyklarynyň ýitileşmegi, ilatyň ynam derejesiniň peselmegi hem-de oppozisiýanyň basyşynyň güýçlenmegi bilen baglanyşykly kabul edildi.
Öz çykyşynda Starmer döwlet durnuklylygynyň bähbidini nazara alyp, wezipedwn gidýändigini aýtdy. Onuň sözlerine görä, häzirki şertlerde ýurdy netijeli dolandyrmagy dowam etdirmek mümkin bolmady. Dünýäniň öňdebaryjy döwletleriniň biriniň lideriniň wezipesinden gitmegi halkara giňişlikde uly seslenme döretdi we Britaniýanyň hökümetini näbellilik döwrüne getirdi.
Häkimiýetiň üýtgemegi dünýä bazarlaryna, Londonyň daşary syýasatyna we halkara ylalaşyklaryna gönüden-göni täsir edip biler.
Ýakyn wagtda Beýik Britaniýada täze hökümet baştutanyny kesgitlemek üçin partiýa içindäki saýlawlar geçiriler. Täze lider saýlanyp bellenilýänçä, häzirki hökümet häkimiýet boşlugynyň döremegine ýol bermezlik maksady bilen, öz borçlaryny çäklendirilen tertipde ýerine ýetirmegini dowam etdirer.
ORIENT
