Ozal habar berlişi ýaly, Bahreýn Patyşalygyna resmi saparyň çäklerinde döwlet Baştutanymyz Serdar Berdimuhamedowa Bahreýn Patyşalygynyň ýokary döwlet sylagy--Şeýh Isa bin Salman Al-Halifa adyndaky birinji derejeli ordeni gowşuryldy.
Ahal welaýatynyň dolandyryş merkezi bolan täze Arkadag şäherinde senagat zolagynyň döredilmegi şäher ösüşiniň ikinji tapgyrynyň meýilnamasyna girizildi. Eýýäm şu wagtdan türkmen telekeçileri geljekki senagat zolagynda ýer satyn almak üçin Türkmenistanyň Senagatçylar we telekeçiler birleşmesine ýüz tutup bilerler - diýip, TSTB habar berýär.
Merkezi Aziýanyň döwlet Baştutanlarynyň 5-nji konsultatiw duşuşygy 14-16-njy sentýabr aralygynda Duşanbe şäherinde geçiriler. Şol günler Täjigistanyň paýtagtynda Araly halas etmegiň halkara gaznasyny esaslandyryjy döwletleriň Baştutanlarynyň Geňeşiniň mejlisi geçiriler – diýip, Täjigistan Respublikasynyň Energetika we suw baýlyklary ministrligi habar berýär.
2023-nji ýylyň 20-nji martyndan “Türkmenistan” awiakompaniýasynyň uçuşlarynyň geriminiň ýene-de iki şäherler – London we Pekin bilen üsti ýetirilýär. Ozal, pandemiýa çenli döwürde, türkmen “laçyny” şu ugurlar boýunça ençeme ýyllaryň dowamynda uçdy. 23-nji fewraldan bu ugurlar boýunça petekler satuwa gelip gowuşdy diýlip, Aşgabadyň halkara howa menziliniň sorag-jogap gullugynda habar berildi.
Stambulyň häkimligi ýykylmagyň iň ýokary töwekgelçiligine eýe bolan binalary aýyrmaga başlady – diýip, şäheriň baştutany Ekrem Imamogluna salgylanyp, RIA Nowosti habar berýär.
Duşenbe gününden çarşenbä çenli, 20-22-nji fewral aralygynda Türkmenistanyň Döwlet haryt-çig mal biržasyndaky söwdalaşyklarda jemi bahasy $38,1 mln amerikan dollaryna deň bolan 10 geleşik baglaşyldy- diýip, ORIENT-iň habarçysy habar berýär.
Hytaýyň Iu şäheri daşary ýurt hyzmatdaşlary bilen ýuanda özara hasaplaşyklar üçin Yiwu Pay hususy bütindünýä töleg platformasyny açdy – diýip, China daily habar berýär.
Telewideniýe, radiogepleşikler we kinomatografiýa baradaky döwlet komitetiniň düzüminde döredilen Türkmenistanyň Halkara maglumat merkezi (HMM) Al Jazeera öňdebaryjy arap teleýaýlymy bilen özara hyzmatdaşlyk etmegiň mümkinçiliklerine garaýar.
BMG-niň Öňüni alyş diplomaiýasynyň Merkezi Aziýa boýunça sebitleýin merkezi özüniň döredilmeginiň 15 ýyllygyna bagyşlap maglumatlar ýygyndysyny çykardy «ÖDSMMA: sebitde işjeňligiň 15 ýyly». Bu barada Türkmenistanyň BMG-niň ýanyndaky Hemişelik wekilhanasynyň satynda habar berilýär.
Türkmenistanda grippiň wiruslaryny sekwenirlemek boýunça ilkinji tejribe üstünlikli geçirildi. Bu barada Türkmenistanaky BSGG-nyň saýtynda habar berilýär.
Aşgabatda «Türkmenaragatnaşyk» agentliginiň başlygy Hajymyrat Hudaýgulyýewiň Thales Alenia Space aeroälem enjamyny öndüriji fransuz kompaniýasynyň wekilleri bilen duşuşdy. Taraplar mundan beýläkki hyzmatdaşlygyň täze ugurlaryny ara alyp maslahatlaşdylar we dürli işewürlik teklipleri bilen çykyş etdiler.
Turkish Airlines kompaniýasynyň Türkmenistandaky awtorizirlenen agenti Hoş syýahat Miles&Smiles bonus maksatnamasyndan peýdalanmaga çagyrýar, ol Türkiýäniň uçar kompaniýasynyň uçary bilen ýolagçylara uly rahatlyk bilen uçmaga mümkinçilik berýär.
Ýapon «Iwaýa Giken» startapy ähli isleg bildirýänleri iki orunlyk aerostatda 25 km belentlige uçmaga çagyrýar, ol ýerden bolsa Ýeriň tegelek şekilini görüp bolýar – diýip, Universe Magazine onlaýn-žurnaly habar berýär.
Instagramy ulanyjylar postlara animasion şekiller ýa-da GIF-faýllar arkaly bellik goýup bilerler. Täze funksiýa synag edilmek döwründedir we ol tapgyrlaýyn giriziler. Onuň üsti bilen Instagramda hasaby bolanlar GIPHY-den GIF-faýllary tapyp bilerler we olary bellik hökmünde ulanyp, habarlara jogap berip bilerler.
Türkmenistan Russiýa dokma önümleriniň eksportyny 50%, azyk önümleriniňkini bolsa 90% artdyrdy, bu iki döwletiň arasyndaky gatnaşyklaryň oňyn ösüşini görkezýär. Bu barada RF-nyň Türkmenistandaky ilçisi Aleksandr Blohiniň şu gün resmi türkmen metbugatynda çap edilen makalasynda aýdylýar.
