Birleşen Arap Emirlikleri gozgalmaýan emläk eýeleri üçin iki ýyllyk rezident wizasyny almak şertlerini ep-esli ýeňilleşdirdi. Soňky üýtgeşmeler bu prosesi has çeýe edip, dünýäniň iň çalt ösýän şäherleriniň birinde ýaşamak isleýän daşary ýurtly maýadarlar üçin täze mümkinçilikleri açdy.

Kim ýüz tutup biler?

Iki ýyllyk ýaşaýyş wizasyna ýüz tutmak üçin aşakdaky şertler ýerine ýetirilmelidir:

— Ýeke-täk eýeçilik: eger siz Dubaýda taýýar gozgalmaýan emlägiň ýeke-täk eýesi bolsaňyz, indi iň pes bahanyň talaby ýok.

— Birnäçe eýeçilik: eger emläk birnäçe adamyň adyna ýazylan bolsa, her biriniň paýy azyndan 400 000 BAE dirhemi bolmaly.

Zerur resminamalar

Arza tabşyrmak onlaýn görnüşde amala aşyrylýar, şahsy baryp görmek zerur däl. Size gerek bolar: — Dubaýda ýerleşýän emläk boýunça eýeçilik şahadatnamasy (Title Deed).

— Bankdan kepilnama (eger ipoteka bar bolsa) ýa-da gurluşykçy tarapyndan tölegleriň tassyknamasy.

— Pasportyň nusgasy (iň azyndan 6 aý möhleti galan) we ICP standartlaryna laýyk sanly surat.

— Dubaý polisiýasy tarapyndan berlen, DLD üçin niýetlenen jenaýata çekilmedik baradaky kepilnama.

— BAE-de berlen lukmançylyk ätiýaçlandyryşy.

Artykmaçlyklary we bahasy

Bu wiza size BAE-de ýaşamaga, ýokary howpsuzlyk derejesinden peýdalanmaga we maşgalaňyza hemaýatkär bolmaga mümkinçilik berýär. Ýurtda girdeji salgydynyň ýoklugy maýa goýumlary has-da özüne çekiji edýär.

Tölegler:

— Ilkinji gezek wiza almak: 10 545 BAE dirhemi

— Täzeden uzaltmak (2 ýyl): 8 215 BAE dirhemi

— Wizany ýatyrmak: 1 239 BAE dirhemi

Arza garamak adatça ähli edaralar tarapyndan tassyklanandan soň 10–15 iş güni dowam edýär.

Giňişleýin maglumat: www.dldcube.com.

ORIENT