Türkmenistan 29-njy sentýabr – 1-nji oktýabr aralygynda Barselona şäherinde geçirilýän ÝUNESKO-nyň Medeni syýasat we durnukly ösüş boýunça bütindünýä maslahatyna (MONDIACULT-2025) işjeň gatnaşýar. Türkmenistanyň Daşary işler ministriniň orunbasary Mähri Bäşimowanyň ýolbaşçylygyndaky wekiliýet BMG-niň Durnukly ösüş pudagyndaky 2030-nji çenli döwür üçin gün tertibinde medeniýeti birleşdirmäge gönükdirilen ählumumy dialogynyň merkezinde durýar.

MONDIACULT-2025 – bu geljekki onýyllyklarda medeni syýasatyň strategiki ugurlaryny kesgitlemek üçin 160-dan gowrak ýurduň wekillerini birleşdirýän öňdebaryjy halkara meýdança bolup hyzmat edýär.

Maslahatyň dowamynda has möhüm temalar ara alnyp maslahatlaşylýar: sanly özgerişler we döredijilik senagatlarynyň ösüşinden başlap howanyň üýtgemeleri bilen baglanyşygy, çylşyrymly ýagdaýlarda medeni mirasy gorap saklamak hem-de emeli aňyň mümkinçiliklerinden peýdalanylmagyna çenli.

“Medeniýet we parahatçylyk | Medeniýet we bilim” atly birleşen mowzuklaýyn sessiýadaky çykyşynda Mähri Bäşimowa Türkmenistanyň Hökümetiniň syýasaty baý taryhy we medeni mirasy gorap saklamak hem-de wagyz etmek bilen bir hatarda, dünýä giňişliginde medeni diplomatiýany işjeň ösdürmäge gönükdirilendir.

“Türkmenistan ÝUNESKO-nyň ýörelgelerine we binýatlyk garaýyşlaryna berk ygrarlydygyny görkezär, bu onuň guramanyň esasy maksatnamalaryny we başlangyçlaryny durmuşa geçirmäge işjeň gatnaşmagynda hem-de halkara ynsanperwer hyzmatdaşlygyny ösdürmäge goşýan goşandynda öz beýanyny tapýar” – diýip, M.Bäşimowa belledi.

Türkmen wekiliýetiniň “MONDIACULT-2025” maslahatyna gatnaşmagy ählumumy medeni gün tertibini kemala getirmäge mynasyp goşant boldy. Munuň özi bolsa Türkmenistanyň medeniýeti parahatçylygyň, dialogyň we durnukly ösüşiň esasy hökmünde görýändigini tassyklaýar.

ORIENT