Aşgabat, Türkmenistan – 17-nji sentýabr. Türkmenistanyň maýa goýum Forumynyň (TIF 2025) resmi açylyşynyň öňüsyrasynda Aşgabatda hökümet resmileri bilen halkara delegatlaryň arasynda ýokary derejeli iş duşuşyklary geçirilýär.

“Ýyldyz” myhmanhanasynda geçirilýän bu ikitaraplaýyn (B2G) gepleşikler gönüden-göni dialog üçin meýdança bolup hyzmat edýär. Bu meýdança dünýäniň öňdebaryjy guramalary, şol sanda Bütindünýä Banky, Ýewropa Täzeleniş we Ösüş Banky (EBRD), “Mashreqbank”, “Daewoo Engineering & Construction”, “John Deere” we “Çalık Holding” ýaly köp sanly halkara derejeli kompaniýalar we guramalar bilen hyzmatdaşlygy ösdürmek maksady bilen döredildi.

Bu duşuşyklar 18-nji sentýabrda "Awaza" milli syýahatçylyk zolagynda resmi ýagdaýda açyljak “TIF 2025”-iň başlangyjyny alamatlandyrýar. 50 resmi hemaýatçy we hyzmatdaş tarapyndan goldanýan bu forum Türkmenistanyň esasy ykdysady pudaklary boýunça iki günlük bilermenler tarapyndan dolandyrylýan panelleri öz içine alar.

Türkmenistanyň maýa goýum forumy Türkmenistanyň Maliýe we ykdysadyýet ministrligi we Türkmenistanyň Daşary işler ministrligi tarapyndan guralýar, “Türkmen Kongres” kompaniýasy ýardamçy guramaçy hökmünde çykyş edýär.

Has giňişleýin maglumat üçin tif-turkmenistan.com sahypasyna giriň.

ORIENT