Şwesiýaly we italiýaly alymlar topary «Robot Drummer» atly depçi-roboty döretdi — ol çylşyrymly aýdym-sazlaryny 90% takyklyk bilen ýerine ýetirýär. Alymlaryň pikirine görä, bu üstünlik geljekde sazanda-robotlarynyň janly çykyşlara gatnaşmagyna ýol açyp biler.

Robot maşyn öwreniş ulgamy arkaly tälim berlip, sazy takyk dep uruşlarynyň tertibine öwürýär. Ilki bilen robot wirtual gurşawda tejribe toplap, tehnikasyny kämilleşdirdi we adam hereketlerini, meselem, taýajyklary çalyşmak ýa-da gollary gowşuryp oýnamak ýaly hereketleri özleşdirdi. Synaglarda robot dürli žanrlarda — jazdan rok sazlaryna çenli, şol sanda Linkin Park we Bon Jovi toparlarynyň aýdymlaryny üstünlikli ýerine ýetirdi.

Indi alymlar Robot Drummer-iň başarnyklaryny simulýasiýadan hakyky dep gurluşyna geçirmegi meýilleşdirýärler. Indiki ädim hökmünde robot janly depçi ýaly saz bilen sazlaşyp işläp biler ýaly, ony hakyky wagt tertibinde sazly improwizasiýa etmäge öwretmek meýilleşdirilýär.

ORIENT