Biz ýakynlaşmagy ugur edinýäris

Aşgabatda "Italýan dizaýniñ günleriniñ" geçirilmeginiñ çäklerinde "Modenese Gastone Interiors Srl" italýan kompaniýasynyñ dizaýneri Leandro Skalko Türkmen döwlet binagärlik-gurluşyk institutynyñ talyplary üçin umumy sapak geçirdi.

Myhman özüniñ hünäri hem-de iş tejribesi dogrusynda gürrüñ berdi, talyplara öz dizaýnerçilik işleriniñ wideo materiallaryny görkezdi, şeýle hem dizaýner ussatlygynyñ inçe syrlary we bu ugurdaky dünýä tendensiýalary bilen paýlaşdy. Umumy sapakdan soñra talyplar üçin myhmana gyzyklanýan soraglaryny bermäge mümkinçiligi döredildi.

Türkmen döwlet binagärlik-gurluşyk institutynyñ wekilleri öz mugallymlary we talyplary tarapyndan ýerine ýetirilen ylmy-barlag we taslama işleri bilen tanyşdyrdylar. Olaryñ arasynda - Aşgabatda Türkmen döwlet binagärlik-gurluşyk institutynyñ täze binalar toplumynyñ gurluşygy boýunça teklipler bar.

Şeýle hem, Türkmen döwlet binagärlik-gurluşyk institutynda Italiýanyñ Türkmenistandaky Adatdan daşary we Doly ygtyýarly ilçisi Luiji Ferrari hem-de ilçihananyñ wekilleri bilen duşuşyk geçirildi.

ORIENT news

Foto: education.gov.tm