2025-nji ýylyň 18-nji martynda «Türkmenistanyň geljegine maýa goýumlar» (IFT-2025) atly halkara forum geçiriler. Türkmenistanyň Senagatçylar we telekeçiler birleşmesi hem-de Türkmenistanyň Söwda-senagat edarasy we «TMT Consulting Group» kompaniýasy bilen bilelikde guraljak bu çäre ýurdumyzyň maýa goýum mümkinçiliklerini ara alyp maslahatlaşmak üçin özboluşly meýdança bolar.

Forum özara bähbitli hyzmatdaşlygy ýola goýmak, tejribe alyşmak maksady bilen halkara we ýerli kompaniýalaryň, döwlet edaralarynyň wekillerini, şeýle hem ykdysadyýetiň dürli pudaklaryndan bilermenleri bir ýere jemlär. Bu möhüm foruma gatnaşmak mümkinçiligini ünsden düşürmäň!

ORIENT News