Şeýlelikde, Microsoft 365 hyzmatlary, şol sanda Outlook, indi Windows 10 operasiýa ulgamynda goldanmaz. Microsoft-yň goldaw sahypalaryndaky maglumatlara görä, ulanyjy operasiýa ulgamyny has täze wersiýa täzelän halatynda, Microsoft 365-iň ähli funksiýalary doly güýjünde işlemegini dowam etdirer. Eger täzelenme edilmedik ýagdaýynda, käbir funksiýalar doly işlemeýän bolup biler.

Şeýle-de, Windows 10 ulanyjylary Microsoft 365-i täzelenmesiz ulanmaga dowam edip bilerler. Ýöne Microsoft, howpsuzlyk we funksiýalaryň bozulmazlygy üçin 2025-nji ýylyň 14-nji oktýabryna çenli Windows 11-e geçmegi maslahat berýär.

Şol günden soň, Windows 10 operasiýa ulgamy üçin resmi goldaw doly ýatyrylar. Täze ulgama geçmäge taýýar bolmadyk ýa-da enjamlary Windows 11 bilen gabat gelmeýän ulanyjylara köne ulgam üçin tölegli ýyllyk howpsuzlyk täzelenmeleri hödürleniler.

Giňeldilen howpsuzlyk täzelenmeleri (ESU) bir enjam üçin ýylda 61$ bolar. Ikinji ýyl töleg iki esse artar we 122$ bolar, üçünji ýyl bolsa üç esse ýokarlanyp, 244 $ ýeter.

ORIENT