Türkmenistan we Italiýa köptaraply gatnaşyklary pugtalandyrmagy maksat edinýärler
15.01.2025 | 10:55 |
2025-nji ýylyň 14-nji ýanwarynda Türkmenistanyň DIM-de Daşary işler ministri Raşid Meredowyň iş sapary bilen Aşgabada gelen Italiýanyň Daşary işler we halkara hyzmatdaşlygy ministriniň orunbasary Edmondo Çiriýelli bilen duşuşygy geçirildi.
Duşuşygyň barşynda diplomatlar ikitaraplaýyn syýasy dialogyň ähmiýetini bellediler hem-de Türkmenistanyň we Italiýanyň arasynda söwda-ykdysady we medeni-ynsanperwer ulgamlaryndaky gatnaşyklaryň ösüş mümkinçilikleri ara alnyp maslahatlaşdylar.
Iň ýokary derejedäki aragatnaşygyň ikitaraplaýyn hyzmatdaşlygy ösdürmekde möhüm orun eýeleýändigi nygtaldy.
Taraplar şeýle hem duşuşygyň dowamynda halkara guramalaryň şol sanda “Merkezi Aziýa – Italiýa” formatynyň çäginde hyzmatdaşlygyň geljegini ara alyp maslahatlaşdylar. BMG-niň meýdançasyndaky özara gatnaşyklaryň oňyn tejribesi bellenildi. Parahatçylygy we durnukly ösüşi üpjün etmäge gönükdirilen halkara başlangyçlary özara goldamagyň ähmiýeti bellenildi.
Taraplar özara gyzyklanma bildirilýän ugurlaryň ählisi boýunça netijeli gatnaşyklaryň dowam ediljekdigine ynam bildirdiler.
ORIENT news
Foto: mfa.gov.tm
Şeýle hem okaň:
04.02.2025
|08:55
03.02.2025
|19:45
03.02.2025
|15:17
03.02.2025
|11:25
03.02.2025
|10:10