Emeli aňly düwmeli telefon: “Vertu” aňrybaş derejeli täze önüm taýýarlaýar

13.01.2025 | 14:28 |

Bilermenler “Vertu” telefony barada ilkinji maglumatlary öwrendiler. Ony “Vertu Signature S+” diýip atlandyrarlar. Myş-myşlara görä, bu Android ulgamly iň gymmat düwmeli telefony bolar. Premium derejeli materiallar ýasalan aňyrbaş dizaýny, şeýle hem EA funksiýalaryna goldaw alar.

“Vertu Signature S+” Androidyň binýadynda işlär we “Qualcomm Snapdragon 662” prosessor bilen üpjün ediler. Telefon 256 Gb hemişelik ýady, LTE we Wi-Fi 5 goldawyny alar. Telefon modem düzgüninde Wi-Fi paýlap biler we programma üpjünçiliginde öňünden gurlan brauzer bolar.

12012025_ VERTU2.JPG

“Vertu Signature S +”-iň esasy aýratynlygy, düwmeli modellerinde ilkinji gezek emeli aňyň ornaşdyrylmagy bolar. Bilermenler EA-yň funksiýalarynyň hemmesini bilmeýärler, ýöne telefonyň öýjükli ulgam arkaly jaňlary dünýäniň islendik diline şol wagtda terjime edip biljekdigi mälimdir. Bu esasanam daşary ýurtly hyzmatdaşlary bilen jaňlaşýan telekeçiler üçin peýdaly bolar.

Telefonda 1,98 dýuým ekran, 1300 mAh akkumulýator, zarýad bermek üçin USB-C porty we slaýder form-faktorly korpusy alar. Bu model dürli üýtgeşmelerde şol sanda deri, eko-deri we gymmat bahaly metallardan ýasalan görnüşleri öz içine alar. Şeýle hem ýakut daşyndan we gymmat bahaly daşlar bilen keramiki görnüşleri bolar.

ORIENT news