Täze okuw ýylynyň başlanmagy we Türkmenistanyň Garaşsyzlyk baýramynyň 33 ýyllygynyň öňüsyrasynda, Türkmenistanyň Hytaýdaky Adatdan daşary we Doly ygtyýarly ilçisi Parahat Durdyýew Pekindäki Hytaýyň Nebit uniwersitetinde okaýan türkmen talyplary bilen duşuşdy.

Diplomat öz çykyşynda Türkmenistanda ýaşlar syýasatynyň durmuşa geçirilişi we ýurtda zehinli ýaşlary kemala getirmekde durmuşa geçirilýän işler barada gürrüň berdi. Ilçi ýaş nesliň halkara giňişliginde, şol sanda sport ýaryşlarynda we intellektual bäsleşiklerde gazanan üstünlikleri bilen paýlaşdy.

Parahat Durdyýew ýokary okuw mekdebiniň rektory bilen hem duşuşyk geçirdi we Türkmenistanyň Prezidenti Serdar Berdimuhamedowyň Änew şäheriniň 2024-nji ýylda “Türki dünýäsiniň medeni paýtagty” diýlip yglan edilmegine bagyşlanan “Änew – müňýyllyklardan gözbaş alýan medeniýet” atly kitabyny sowgat etdi.

ORIENT news