Türkmenistanyň Döwlet daşary ykdysady iş banky 1992-nji ýylyň 27-nji ýanwarynda Türkmenistanyň daşary ýurt hyzmatdaşlary bilen daşary ykdysady gatnaşyklaryny pugtalandyrmak üçin döredildi we dürli ykdysady neşirleriň wersiýasy boýunça birnäçe gezek ýurduň iň gowy banky diýlip yglan edildi. Bu ýyl bank ýokary ösüşlere ýetip, jemgyýete we döwlete ähmiýetli peýda getirmek bilen, özüniň 31 ýyllygyny belleýär.

Maýa goýumlaryň halkara bazarynda Türkmenistanyň hökümetiniň wekili bolmak bilen, Döwlet daşary ykdysady iş banky ýurduň ähli ähmiýetli maýa goýum taslamalarynyň amala aşyrylmagyna işjeň gatnaşýar. Ykdysadyýetdäki gurluş özgertmeleri, esasan-da, däp bolup gelýän bank karzynyň we daşary bazarlarda daşary ýurt karzynyň çekilmeginiň hasabyna amala aşyrylýar.

TDDYIB-y milli ykdysadyýete täze iş orunlarynyň döredilmegi üçin, şol sanda ýapyk görnüşli paýdarlar jemgyýeti bolan «Türkmen maýa goýum kompaniýasynyň» araçylyk etmeginde daşary ýurt maýa goýumlarynyň çekilmegine ýardam edýär.

2022-nji ýylda bank eksporta gönükdirilen türkmen önüm öndüriji kompaniýalaryna Halkara yslam söwda-maliýe korporasiýasynyň (ITFC) hasabyna gerekli bolan çig maly daşary ýurtlardan daşary ýurt puluna satyn almaga mümkinçilik berdi.

Şeýle hem geçen ýyl, TDDYIB we ITFC önümi ýerlemegiň täze bazarlaryny açmak we yslam banking gurallaryny ulanýan ýurtlar bilen aragatnaşyklary ýola goýmak arkaly Türkmenistanyň eksport mümkinçiligini durmuşa geçirmäge bagyşlanan ilkinji bilelikdäki seminary geçirdiler.

Döwlet daşary ykdysady iş banky ykdysadyýetiň hususy pudagyny goldamaga we ösdürmäge gönükdirilen köp hyzmatlary girizdi. Ol telekeçileriň maýa goýum taslamalarynyň 85%-ne çenlisini ýyllyk 5-den 7% çenli göterim bilen 10 ýyllyk möhlete maliýeleşdirip bilýär. Oba hojalygy bilen meşgullanýan telekeçilere bolsa oba hojalyk tehnikasyny satyn almak üçin ýyllyk 1% göterimine ýeňillikli karz almak teklip edilýär.

2022-nji ýylda Türkmenistanyň Döwlet daşary ykdysady iş banky internet-bankingiň mümkinçilikleriniň üstüni ýetirdi we indi ýuridiki şahslar onlaýn düzgünde tölegleri amala aşyryp bilýärler, pul serişdeleriniň hereketini barlap bilýärler, aýlyk hakyny töläp bilýärler, hasabyndan göçürmeleri alyp bilýärler we täzelerini açmaga ýüz tutup bilýärler. Şunda bu ulgamyň howpsuzlygyny iki faktorly autentifikasiýa we tölegleri amala aşyranda aragatnaşygyň goralýan kanallaryny üpjün edýär.

Kiçi we orta telekeçilige mundan beýläk-de goldaw bermek bankyň iş meýilnamalarynyň aýrylmaz bir bölegidir, sebäbi ol Aziýanyň ösüş banky we Yslam ösüş banky bilen hususy kompaniýalary goldamak we türkmen eksportyny artdyrmak üçin hyzmatdaşlykda işlemegini dowam etdirýär.

TDDYIB öz işlän ýyllarynda dünýä derejesindäki maliýe gurluşy hökmünde ýokary netijeliligini subut etdi, ol bolsa Türkmenistanyň raýatlaryna peýda getirýär we daşary ýurtda ýurduň ykdysady bähbidini goraýar.

ORIENT