Türkmen parlamentiniň ýokarky palatasynyň başlygy Gurbanguly Berdimuhamedow dolandyryş özgertmeleri tygşytlanan serişdeleri durmuş ulgamyna – mekdepleriň, çagalar baglarynyň we saglygy goraýyş edaralarynyň gurluşygyna gönükdirmegi teklip etdi – diýip, TDH habar berýär.

Ýurduň döwlet dolandyryş ulgamyny kämilleşdirmek meselelerine bagyşlanan parlamentiň maslahatynda käbir etraplary ýatyrmak, golaýda ýerleşýän obalary ilatly nokatlary bilen birleşdirmek, ýerlerde dolandyryş wezipe düzümlerini kemeltmek we beýlekiler boýunça tekliplere garaldy.

Türkmenistanyň Maliýe we ykdysadyýet ministri Muhammetgeldi Serdarow öz hasabatynda dolandyryş-çäk birlikleriniň degişli teklipleriň ýerine ýetirmegiň barşynda 28 million manadyň tygşytlanmagyna garaşylýandygyny belläp geçdi.

Öz nobatynda, özgertmeleriň netijesinde boşajak dolandyryş binalary we beýleki edaralar ykdysadyýet üçin goşmaça mümkinçilikleri döreder, bu bolsa döwlet býujetiniň girdejilerini artdyrmak üçin amatly şertleri döreder.

ORIENT news
Surat: sng.today