Biz ýakynlaşmagy ugur edinýäris

Eksport diýmek bir ýurtdan beýleki ýurda harytlary we hyzmatlary satmak ýa-da üpjün etmekdir.

Iki esasy görnüş bar: gönüden-göni eksport haçan-da kompaniýanyň özi daşary ýurtlara harytlaryny satanda we başga kompaniýalaryň araçylyk hyzmatlaryny ulanmak bilen amala aşyrylýan göni däl eksport.

Onlaýn eksport internet platformalary arkaly daşary ýurtlarda harytlaryň we hyzmatlaryň satylmagydyr. Bu kompaniýalara bazarlarda fiziki barlygyň zerurlygy bolmazdan, eksport prosesini ýönekeýleşdirmek we onuň bilen baglanyşykly çykdajylary azaltmak bilen daşary ýurtly müşderiler bilen işleşmäge mümkinçilik berýär.

Eksport satuwy artdyryp, bazarlary giňeldip we içerki bazara garaşly bolmagyny azaldyp biler.

Walýutanyň üýtgemegi, gümrük päsgelçilikleri (böwetleri), import edýän ýurtdaky syýasy durnuksyzlyk we kanunçylyk babatyndaky tapawutlar eksport etmek işiniň töwekgelçilikleri diýip hasaplanylýar.

Bazary öwrenmek, potensial alyjylary gözlemek we tapmak, önümleri import edýän ýurduň talaplaryna we ülňülerine laýyklaşdyrmak we önüm şahadatnamalaryny almak bilen zerur resminamalary taýýarlamak arkaly eksporta başlap bilersiňiz. Şeýle hem logistika we harytlary eltip bermek strategiýasyny işläp düzmek möhümdir.

Hasap-faktura, ulag resminamalary, gelip çykyş şahadatnamasy we zerur bolsa ygtyýarnamalar we rugsatnamalar.

Eksport işine Bütindünýä Söwda Guramasy (BSG), sebit söwda şertnamalary we ýurtlaryň arasyndaky ikitaraplaýyn şertnamalar täsir edip biler.

Türkmenistan tebigy gazy, nebit önümlerini, dokma, pagta we azyk önümlerini, oba hojalyk önümlerini eksport edýändigi bilen tanalýar. Hususy önümçilik kompaniýalary köplenç oba hojalyk önümlerini (gök önümler, esasanam pomidor), azyk önümlerini (konditer önümleri) we ýeňil senagat önümlerini (plastmassa önümlerini goşmak bilen) eksport edýärler.

Türkmenistanda hususy kompaniýalar tarapyndan öndürilen önümler Hytaý, Türkiýe, Russiýa we Ýewropa Bileleşiginiň ýurtlary ýaly dürli ýurtlara eksport edilýär. Eksport dokma, azyk we nebithimiýa önümleri ýaly köp sanly harytlary öz içine alýar.

Daşary ýurtdan alyjylary gysga möhletde tapmak üçin kompaniýalar B2B we B2C onlaýn platformalary ulanyp bilerler, halkara sergilere we ýarmarkalara gatnaşyp bilerler, şeýle hem eksport geňeşçileriniň, wekilleriniň we distribýutorlarynyň hyzmatlaryndan peýdalanyp bilerler. Netijeli marketing strategiýasy we halkara gözleg gurallary üçin SEO optimizasiýasy hem daşary ýurtly müşderileri çekmäge kömek eder.

Eksport maslahat beriş hyzmaty kompaniýalaryň halkara bazarlaryna çykmak tagallalarynda goldaw bermek üçin hödürlenýän hyzmatlaryň bir görnüşidir. Bu hyzmatlar şahsylaşdyrylan (indiwidual) maslahaty, gerekli pudagyň tendensiýalaryny seljermesini we belli zerurlyklara we pudaklara laýyk gelýän eksport strategiýalaryny düzmegi öz içine alýar.

Eksport geňeşçileri (maslahatçylary) dünýä bazarlary barada gymmatly maglumatlary berýärler, olar töwekgelçilikleri azaltmaga we netijeli kararlary bermek işlerini optimizirlemäge (gowylandyrmaga) kömek edýärler. Mundan başga-da, olar müşderi ulgamlaryny giňeldýärler we hyzmatdaşlygy ýola goýmakda goldaw berýärler, bu eýýäm köp kompaniýalar üçin eksport edilýän mukdarlarynyň ep-esli ýokarlanmagyna sebäp boldy.

Maslahatçy saýlanyňyzda onuň halkara tejribesini, abraýyny we gyzyklanma döredýän pudak baradaky ýöriteleşdirilen (aýratyn) bilimlerini göz öňünde tutmaly. Ýerli bazary barada tejribä eýe bolan geňeşçiler esasanam ýerli şertleri we düzgünleri bilýänligi üçin has gymmatlydyr.

Eksport geňeşçileriniň hyzmatlary bazar derňewini, marketing we mahabaty, hyzmatdaşlary tapmagy we önümleri halkara bazarlaryna ýerlemegi öz içine alýar. Bazar gözleglerinden başlap, satuw amallaryna goldaw bermek ýaly giňişleýin çemeleşmäni üpjün edýärler.

Önümiň görnüşine we maksat bazaryna baglylykda eBay, Amazon, Etsy ýaly başga-da marketpleýsler maslahat berilip bilner. Platformany saýlamak önümiň aýratynlyklaryna we eksport strategiýasyna esaslanýar.