Pekin şäheri Hytaýda gijeki ykdysadyýetiň ösdürilmeginde öňdebaryjy şäherleriň birine öwrülýär. Bu şäher özüniň taryhy özboluşlylygyny häzirki zaman durmuş hyzmatlary bilen utgaşdyrmak bilen, agşam aralaşansoň sarp edijileriň işjeň söwda meýdançasyna öwürýär.

Pekin şäheri öz ösüşiniň täze tapgyrynda, gijeki ykdysadyýeti arkaly şäherleriň ýaşaýyş derejesini we işjeňligini görkezýän wajyp merkeze öwrüldi. Gün batyp, agşam düşensoň, Pekiniň dürli etraplaryndaky söwda we hyzmat ediji kärhanalar müşderileriň isleglerini kanagatlandyrmak maksady bilen özleriniň işjeňligini gowşatmaýarlar.

Pekiniň Haýdian etrabyndaky Žonguanszun Sungat seýilgähi gijeki dynç alyş nokatlarynyň birine öwrüldi. Bu ýerde paýtagtyň söwda we naharhana dükanlaryny öz içine alýan 70-den gowrak söwda meýdançalary ýerleşýär. Bu ýerdäki ady belli brendler, medeni harytlary satýan dükanlar, yşyklandyrylan howlular we gijeki bezegler müşderileri özüne maýyl edýän gurşawy döredýär.

Şäheriň Tongžou etrabynda ýerleşýän, ÝUNESKO-nyň Bütindünýä mirasynyň sanawyna girizilen Uly Kanalyň boýundaky Moon River Town gijeki bazary özboluşlylygy bilen müşderileri özüne çekýär. Bu ýerde Hytaýyň dürli sebitleriniň tagamlaryny dadyp görmäge mümkinçilik berýän 100-den gowrak naharhanalar bar. Şeýle hem bu ýerde döredijilik önümlerini, maddy däl medeni miras harytlaryny, sungat bezeglerini we açyk meýdançada ýerine ýetirilýän çykyşlary görmek bolýar.

Pekiniň Çaoyan etrabyndaky Lianma derýasynyň kenarynda ýerleşýän Solana Lifestyle seýilgähi hem gijeki dynç alyş üçin köpleriň halaýan ýerleriniň biridir. Derýanyň kenary ýagty bezegler bilen bezelen, söwda nokatlary we naharhanalar bolsa özleriniň ýakymly hyzmatlary bilen ýerli ýaşaýjylary we syýahatçylary özüne çekýär.

Bilermenleriň bellemegine görä, soňky ýyllarda Hytaýda gije ykdysadyýetiň möçberi ep-esli artyp, onuň umumy gymmaty 50 trillion ýuandan (ýagny 7 trillion ABŞ dollaryndan) geçýändir. 2022-nji ýyldan bäri Pekiniň gijeki ykdysadyýeti ösýär, giçden soňky sarp edijilik artýar.