Hytaýyň Maliýe ministrliginiň çarşenbe güni beren maglumatlaryna görä, Hytaýyň maliýe girdejisi 2025-nji ýylyň ilkinji 11 aýynda ýyllyk 0.8 göterim ýokarlanyp, 20.05 trillion ýuana (2.85 trillion ABŞ dollaryna) barabar boldy.

Görkezilen döwürde ýurduň salgyt girdejisi 16.48 trillion ýuana deň boldy, bu bolsa ýyllyk 1.8 göterim ösüşdir, salgyt däl girdejiler bolsa 3.7 göterim azalyp, 3.57 trillion ýuana barabar boldy.

Hytaýyň umumy döwlet býujetiniň çykdajylary ýanwar aýyndan noýabr aýyna çenli ýyllyk 1.4 göterim ýokarlanyp, 24.85 trillion ýuana ýetdi. Döwlet tarapyndan ilatyň durmuş taýdan goragy we iş üpjünçiligi maksatlary bilen goýberilen maliýe serişdeleriň möçberi 8.1 göterim, bilim üçin goýberilen serişdeleriň möçberi 4.4 göterim, saglygy goraýyş üçin 4.7 göterim, ylym we tehnologiýa üçin 7.9 göterim, şeýle hem daşky gurşawy goramak we energiýany tygşytlamak maksady bilen sarp edilen serişdeleriň möçberi 6.6 göterim ýokarlandy.