Ekologiýa taýdan arassa önümleri öndürýän kompaniýalar daşary ýurtlarda özleriniň önümlerine hyrydarlygyň artýanlygy barada habar berýärler, bu bolsa öz gezeginde ekologiýa taýdan arassa önümleriň söwdasynyň Hytaýyň daşary söwdasynyň esasy itergi beriji güýjüne öwrülýändigini görkezýändir.

Guansi welaýatynyň Liužou şäherinde tehnikalary öndüriji kärhana özüniň elektrik ýük ýükleýji tehnikalaryna islegiň artýandygyny habar berýär. Bu tehnikalaryň bahasy dizel ýangyjynda işleýän modelleriň bahasynyň üçden bir bölegine deň bolup, olar bir bada üznüksiz sekiz sagat işläp bilýär. “Hytaýyň elektrik ýük ýükleýjileriniň eksporty ýyllyk görkezijisi boýunça 120 göterim ýokarlandy, bu bolsa elektrik hereketlendiriji tehnologiýasynyň barha kämilleşýändigini görkezýär” diýip, Guansi LiuGong Machinery kompaniýasynyň wekili Ýao Dongsu düşündirýär.

Elektrik enjamlaryndan başlap, fotoelektrik düzüm böleklerini öz içine alýan Hytaýyň ekologiýa taýdan arassa önümleriniň eksporty barha giňeýär. Şu ýylyň ilkinji 10 aýynda ýel turbinalarynyň eksporty 44,9 göterim ýokarlanyp, söwdanyň möçberi 10,33 milliard ýuana ýetdi, fotoelektrik önümleriň eksport söwdasynyň möçberi bolsa dört ýyldan bäri 200 milliard ýuandan geçýär. “King Label Technology” kompaniýasy özüniň ekologiýa taýdan arassa önümleriniň eksportynyň ýyllyk görkeziji boýunça 10 göterim ýokarlanyp, söwdanyň möçberiniň 60 million ABŞ dollaryna ýetmegine garaşýar.

Hytaýda ýurt boýunça 6430 sany ekologiýa taýdan arassa önümleri öndürýän kärhanalary, 491 sany ekologiýa taýdan arassa önümçilik seýilgähi guruldy we 40 000 -den gowrak görnüşli ekologiýa taýdan arassa önümler alyjylara hödürlendi. Geljekde Hytaý döwleti özüniň ekologiýa taýdan arassa önümleriniň we tehnologiýalarynyň bazaryny giňeltmekde, dünýä bazarynda düzgünleriň girizilmegine gatnaşmakda, hem-de kärhanalaryň ekologiýa taýdan arassa we az uglerodly önüm öndürmek mümkinçiliklerini artdyrmakda zerur tagallalary eder diýip, Söwda ministrliginiň wekili Li Na düşündirýär.