Halkara pul gaznasy Aziýa-Ýuwaş ummany sebitiniň ykdysadyýetleri bilen hyzmatdaşlygy pugtalandyrmak maksady bilen, Şanhaýda sebit merkezini döretdi.

Türkmenistan BMG-niň esasy düzümleri, şol sanda Ýewropa hem-de Aziýa-Ýuwaş umman sebiti üçin Ykdysady we durmuş komissiýalary bilen hyzmatdaşlygy ösdürýär. Türkmenistan ýokarda agzalan komissiýalar bilen ykdysadyýet, ulag, energetika, daşky gurşawy goramak we durnukly ösüşi üpjün etmek ýaly möhüm ulgamlarda hyzmatdaşlyk edýär.

Pakistan ösýän ýerli talaby kanagatlandyrmak üçin hökümetara ylalaşygyň çäklerinde Türkmenistandan 200 000 tonna karbamidi import etmek boýunça gepleşiklere başlady diýip, Pakistanyň The News gazeti habar berýär.

Türkmenistanyň paýtagtynda BMG-niň Neşe we jenaýatçylyk baradaky müdirliginiň «Serhetde ýolagçylaryň we ýükleriň gözegçilik-derňew barlagy boýunça toparlar» başlangyjynyň çäklerinde gümrük gulluklarynyň ýolbaşçylarynyň 9-njy sebitara duşuşygy geçirildi diýip, Türkmenistanyň gümrük gullugynyň saýty habar berýär.

Green Tech Amsterdam 2024 halkara sergisiniň çäklerinde Golland kompaniýalarynyň türkmen bazarynda oba hojalyk ulgamynda ykdysady mümkinçiliklerine bagyşlanan aýratyn sessiýa geçirildi. Çärä Niderlandlaryň we Türkmenistanyň işewür toparlarynyň, ýurdumyzyň Oba hojalyk ministrliginiň we ilçihanasynyň wekilleri, Ýewropanyň dürli ylmy-barlag we maliýe institutlarynyň ýolbaşçylary gatnaşdylar.

Türkmenistan “Hytaý-Ýewraziýa EKSPO” atly halkara sergisine gatnaşmagy meýilleşdirilýär. Bu sergi HHR-iň Urumçy şäherinde geçiriler.

5-6-njy iýun aralygynda Türkmenistanyň Döwlet daşary-ykdysady iş bankynda MasterCard bank kartyny ulanmak arkaly maliýe amallaryny ýerine ýetirmek boýunça okuw maslahaty geçirildi.

GDA agza döwletler ýangyç-energetika toplumyny ösdürmegiň 2035-nji ýyla çenli strategiýasyny işläp taýýarlamagy meýilleşdirýärler. Bu barada BELTA Belarus Respubliksynyň Energetika ministrliginiň metbugat gullugyna salgylanyp habar berýär.

Wenada Türkmenistan bilen Awstriýanyň arasynda söwda-ykdysady hyzmatdaşlygy ösdürmek boýunça işewirlik duşuşygy geçirildi. 5-nji iýunda, çarşenbe güni geçirilen Bilelikdäki türkmen-awstriýa toparynyň 12-nji mejlisiniň gün tertibine deslapgy duşuşyklarda gazanylan netijeler girizildi. Mejlise iki ýurduň hökümet we işewür toparlarynyň 70-den gowrak wekilleri gatnaşdy. Mejlisde türkmen tarapyndan Türkmenistanyň Söwda-senagat edarasynyň başlygy Mergen Gurdow ýolbaşçylyk etdi.

“Ynamly dellal” hojalyk jemgyýeti Türkmenistanyň gymmatly kagyzlar bazarynda öňdebaryjy hususy broker, şeýle hem “Aşgabat gazna biržasy” ÝPGJ-niň agzasy bolup durýar. (www.agb.com.tm).