Keşdeçilik sungaty boýunça ilkinji halkara maslahat Azerbaýjanda geçiriler. Bu başlangyç Garaşsyz Döwletleriň Arkalaşygyna agza döwletleriň Ynsanperwer hyzmatdaşlyk boýunça döwletara gaznasynyň dolandyryş mejlisinde makullandy.

Ýaponiýanyň Hökümeti Aral ýakasynda oba hojalygyny ösdürmek üçin 2 million dollar möçberde serişde goýberdi. BMG-niň Ösüş maksatnamasy sebitiň ilatynyň ýaşaýyş-durmuş derejesini ýokarlandyrmaga gönükdirilen taslama girişdi.

1-2-nji dekabrda geçiriljek Howa boýunça Ählumumy sammitiň (COP28) çäklerinde bir wagtda Howa boýunça işewürleriň we haýyr-sahawatçylaryň forumy geçiriler.

Klod atly koala, Awstraliýanyň ewkalipt şitilhanasynda nahallary çeýneýän wagty elin tutulandan soň dünýä köpçülikleýin habar beriş serişdeleriniň gahrymany boldy. Şitilhananyň eýesi žurnalistlere birnäçe aý ozal işgärleriniň ösümlikleriň ýitýändigine syn edip başlandyklaryny gürrüň berdi. Ilkibaşda olar gaçan geçileriň ýa-da ýerli opossumlaryň ogurlykdan jogapkärdigini güman etdiler.

ABŞ-nyň Milli awiasiýa we kosmos dolandyryş gullugy (NASA) Ýeriň emeli hemrasyndan Amyderýa sebitiniň suratyny alyp, özüniň web-saýtynda ýerleşdirdi.

Hindistanyň Premýer-ministri Narendra Modi dünýäniň özara baglanyşykly meseleleri barada durup geçdi. Bu meseleler dünýä döwletleri tarapyndan özara baglanyşyklylykda we umumylykda çözülmelidir. Hindi Hökümetiniň Baştutanynyň belleýşi ýaly, şunda 2023-nji ýyla çenli Durnukly ösüş maksatlaryna ýetmekde Uly 20-lige girýän ýurtlaryň orny uludyr.

Türkmenistanyň Ylymlar akademiýasynyň Tehnologiýalar merkeziniň energiýa önümçiligi we üpjünçiligi laboratoriýasynyň müdiri, tehniki ylymlaryň kandidaty Meretmuhammet Hudaýberdiýew işdäaçar taýýarlanylanda gerek bolan azyk önümleri öý şertlerinde toprak ulanmazdan ýetişdirmegiň usulyny hödürleýär. Bu usulda kokos gabygynyň süýümleri peýdalanylýar.

Araly halas etmegiň Halkara gaznasynyň (AHHG) başlyklygyny Täjigistan Gazagystana geçirer. Gaznanyň geňeşi 14-nji sentýabrda meýilleşdirilýän Merkezi Aziýa döwletleriniň ýolbaşçylarynyň maslahat geňeşiniň çäginde Duşanbe şäherinde geçiriler. Bu barada Täjigistanyň Daşary işler ministriniň orunbasary Sodik Imomi aýtdy.

11-12-nji oktýabrda Astrahan şäherinde Nebitgaz pudagynda ýaşlaryň ylmy we tehnikasy boýunça ikinji halkara forumy geçiriler. "Hazar - üstünligiň deňzi" diýlip atlandyrylýan pudaklaýyn forum hususanda, hazarýaka döwletleriň nebitgaz pudagyndaky alymlaryny, mugallymlaryny we ýaş hünärmenlerini bir ýere jemlär.

30-njy awgustda Türkiýe milli baýramy - Ýeňiş günini belleýär. Hut şol gün, 2022-nji ýylda Dumlupynaryň ýanyndaky söweşde türk goşuny ýeňiş gazandy.