Türkmen mugallymlary Almaty şäherinde geçirilýän DARYA SCAFFOLD seminarynda innowasion usullary özleşdirýärler
27–29-njy aprel aralygynda Almaty şäherinde DARYA SCAFFOLD atly halkara okuw seminary geçirilýär. Ýewropa Bileleşiginiň we Ýewropa Bilim Gaznasynyň goldawy bilen guralan bu çäre Merkezi Aziýanyň ähli ýurtlaryndan bilermenleri we mugallymlary bir ýere jemledi. Bu barada Türkmenistanyň Bilim ministrligi habar berýär.
Forumda Türkmenistana Bilim ministrliginiň işgärlerini, şeýle hem ýurdumyzyň öňdebaryjy hünär okuw mekdepleriniň ýolbaşçylaryny we mugallymlaryny öz içine alýan 8 hünärmen wekilçilik edýär. Şeýle taslamalara gatnaşmak bilim ulgamyny döwrebaplaşdyrmak we halkara hil standartlaryny ornaşdyrmak boýunça döwlet syýasatynyň möhüm bölegidir.
Seminaryň esasy maksady — SCAFFOLD atly innowasion guraly özleşdirmekdir. Bu okuw meýilnamalaryny taslamakda ulanylýan amaly çemeleşme bolup, mugallymlara sapaklary has täsirli guramaga, bilimleriň bahalandyrylyşyny bolsa has açyk etmäge mümkinçilik berýär. Çäräniň maksatnamasy interaktiw sessiýalary, hakyky ýagdaýlar boýunça toparlaýyn işleri we sebitdäki kärdeşleriň arasynda tejribe alyşmagy öz içine alýar.
Üç günlük işiň netijesinde gatnaşyjylar öz ýurtlarynyň bilim ulgamlary üçin hünär derejesini ýokarlandyrmak maksatnamalarynyň taslamalaryny taýýarlarlar. Alnan gurallar häzirki zaman pedagogik çözgütleri ýerli mekdepleriň we kollejleriň zerurlyklaryna laýyklykda uýgunlaşdyrmaga mümkinçilik berer.
ORIENT
