To Lam resmi taýdan 2026-2031-nji ýyllar möhlet bilen Wýetnamyň prezidenti hökmünde saýlandy
Wýetnamyň 16-njy çagyrylyşynyň Milli ýygnagy To Lamyň dalaşgärligini ýurduň Prezidenti wezipesine biragyzdan tassyklady. Degişli kararnama ähli 465 deputat ses berdi, munuň özi syýasatça 100 % goldawy üpjün etdi.
Bu wezipä bellenişigiň aýratyn tapawudy wezipeleriň utgaşmasy: To Lam şol bir wagtyň özünde Wýetnamyň Kommunistik partiýasynyň Baş sekretary bolup durýar. Ýurduň taryhynda bu döwletiň iň ýokary wezipeleriniň birleşmeginiň ikinji şeýle ýagdaýydyr.
To Lam – tejribeli döwlet işgäri we hukuk ylymlarynyň doktory. Onuň hünär ýoly Jemgyýetçilik howpsuzlygy ministrligi bilen berk baglanyşykly. Ol ýerde ol ministriň orunbasaryndan general ady bilen edaranyň ýolbaçysy wezipesine çenli ýoly geçdi (2016-2024 ýý.).
Lideriň syýasy biografiýasy soňky ýyllarda çalt ösdi:
• 2024-nji ýylyň maý aýynda ol geçen çagyrylyşyň galan möhleti üçin ilkinji gezek prezident hökmünde saýlandy.
• 2024-nji ýylyň awgust aýynda Merkezi komitet ony Partiýanyň Baş sekretary edip saýlady.
• 2026-njy ýylyň aprel aýynda Milli ýygnak oňa täze bäş ýyllyk möhlet üçin resmi taýdan prezident ygtyýarlyklaryny berdi.
Netijeleriň mälim edilmeginden soň, To Lam kasam kabul edip, inaugurasiýa sözi bilen çykyş etdi. Tejribeli syýasatçynyň täzeden saýlanylmagy Wýetnamyň durnuklylyk ugrunyň saklanylmagy hem-de ýurduň içerki we daşarky syýasatynda dowamlylygyň alamaty bolup durýar.
Halkara jemgyýetçilik we hyzmatdaşlar üçin bolsa bu karar ýurduň syýasy ulgamynyň öňünden çaklanylýandygyny tassyklaýar. Munuň özi Günorta-Gündogar Aziýa sebitinde uzak möhletli ykdysady maýa goýumlar we diplomatik hyzmatdaşlyk üçin möhümdir.
ORIENT
