Çapar Pay arkaly indi ekitap hyzmatyna abuna ýazylmak mümkin
Çapar Pay mobil goşundysynda täze funksiýa — Ekitap işe girizildi. Onuň kömegi bilen ulanyjylar Ekitap saýtyna abuna ýazylmak mümkinçiligini alýarlar, bu ýerde kitaplaryň giň görnüşi hödürlenýär.
Abuna telefon belgisi arkaly amala aşyrylýar we 3, 6 ýa-da 12 aý möhlet bilen elýeterlidir. Ekitap platformasynda hasaba alnandan soň, ulanyjylar müňlerçe kitaplary, täzelikleri we makalalary öz içine alýan kitaphana girip bilýärler.
Android we iOS ulgamly enjamlar üçin döredilen Çapar Pay goşundysy Google Play we App Store arkaly mugt ýükläp almak üçin elýeterlidir. Hyzmat gündelik hyzmatlaryň tölegini geçirmek, biletleri satyn almak we mobil aragatnaşygy dolandyrmak ýaly mümkinçilikleri birleşdirýän köpugurly çözgüt hökmünde hödürlenýär.
Goşundy işe girizileninden bäri onuň mümkinçilikleri yzygiderli giňeldilýär. Häzirki wagtda ulanyjylar üçin şu hyzmatlar elýeterlidir:
• Ekitap hyzmatynyň tölegi
• Jemagat hyzmatlaryň tölegi (elektrik energiýasy, suw, gaz, ýaşaýyş-jemagat hojalygy)
• Ýol polisiýasynyň jerimelerini tölemek we bergileri barlamak mümkinçiligi
• Ýurduň ähli welaýatlarynda stasionar telefon hyzmatynyň tölegi
• Mobil aragatnaşyk, internet we telewideniýe üçin tölegler, şol sanda Altyn Asyr we Älem TV hyzmatlary
• Uçar we demir ýol biletlerini satyn almak
• Belet onlaýn kinoteatryna we beýleki sanly hyzmatlara ýazylmak
• Altyn Asyr operatorynyň USSD hyzmatlaryny we gysga belgilerini ulanmak (balansy barlamak, hasaby doldurmak, gudok ornuna saz goýmak we başgalar)
• Poçta ibermelerini trek belgisi boýunça yzarlamak
• Kurýer hyzmatlaryny sargyt etmek.
Goşundy Türkmenistanda hereket edýän ähli bank kartlaryny goldaýar. Töleg maglumatlary goragly ýagdaýda saklanýar, bu bolsa gaýtalanýan amallary tiz ýerine ýetirmäge mümkinçilik berýär. Howpsuzlyk bolsa häzirki zaman maglumat gorag tehnologiýalary arkaly üpjün edilýär.
