Türkmenistan we Özbegistan energetika ulgamynda hyzmatdaşlygy güýçlendirýär
Aşgabat şäherinde Özbegistanyň ilçisi Rawşanbek Alimowyň Türkmenistanyň Ministrler Kabinetiniň Başlygynyň orunbasary Guwanç Agajanow bilen duşuşygy geçirildi.
Taraplar ýangyç-energetika ulgamynda ikitaraplaýyn hyzmatdaşlygyň mundan beýläk-de ösdürilmegine degişli möhüm meseleleri ara alyp maslahatlaşdylar. Hususan-da, hyzmatdaşlygy giňeltmäge we bilelikdäki taslamalary durmuşa geçirmäge aýratyn üns berildi.
Soňky ýyllarda iki döwletiň ýolbaşçylarynyň yzygiderli syýasy erkiniň netijesinde özbek-türkmen gatnaşyklarynyň hil taýdan täze derejä çykandygy bellenildi. Döwletleriň arasyndaky hyzmatdaşlyk dürli ugurlar boýunça depginli ösdürilýär.
Şeýle-de ýangyç-energetika ulgamyndaky hyzmatdaşlygyň mundan beýläk hem berkeýändigi, anyk başlangyçlar we amaly netijeler bilen baýlaşýandygy nygtaldy.
Duşuşygyň dowamynda nebitgaz pudagyndaky hyzmatdaşlygy ösdürmek meseleleri boýunça hem pikir alyşmalar geçirildi, şol sanda hyzmatdaşlygy çuňlaşdyrmak we bilelikdäki işi giňeltmek mümkinçilikleri ara alnyp maslahatlaşyldy.
