Si Szinpin hytaý-türkmen gatnaşyklaryny ösdürmäge çagyrýar
Sişenbe güni Pekinde Hytaýyň Başlygy Si Szinpin türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen bolan duşuşygynda hytaý-türkmen gatnaşyklaryny bilelikde ösdürmäge çagyrdy.
Duşuşygyň dowamynda Si Szinpin üç günlük dostluk sapary bilen Hytaýyň paýtagtyna gelen Gurbanguly Berdimuhamedowy mähirli garşylady we bu ýylyň iki ýurt üçin hem aýratyn ähmiýete eýedigini belledi.
"Hytaýyň däp bolan senenamasyna görä, bu ýyl — At ýylydyr, Türkmenistanda bolsa —“Garaşsyz Baky Bitarap Türkmenistan – bedew batly at-myradyň mekany” ýylydyr. At ýylynyň başynda men ahalteke bedewi ýaly elmydama öňe çapýan hytaý-türkmen gatnaşyklaryny ösdürmek üçin Siz bilen hyzmatdaşlyk meýilnamalaryny düzmäge taýýardyryn" diýip, Si Szinpin aýtdy.
Ahalteke bedewi — özüniň ýyndamlygy we çydamlylygy bilen tanalýan seýrek duş gelýän tohum bolup, Türkmenistanyň milli gymmatlygy hasaplanýar.
