Si Szinpin: Hytaýyň 15-nji bäş ýyllyk maksatnamasyna güýçli badalga bermelidiris
Golaýda “iki mejlis” diýlip atlandyrylýan uly syýasy çäreler – Hytaýyň ýokary kanun çykaryjy edarasy bolan Hytaýyň Halk wekilleriniň Umumymilli ýygnagynyň 14-nji çagyrylyşynyň dördünji mejlisi hem-de ýurduň ýokary syýasy maslahat beriji edarasy bolan Halk syýasy konsultatiw geňeşiniň ýyllyk mejlisi Pekinde tamamlandy.
Hytaý Halk Respublikasynyň Başlygy Si Szinpin 2026-njy – 2030-njy ýyllary öz içine alýan 15-nji bäş ýyllyk maksatnama güýçli badalga bermäge çagyrdy. Kanun çykaryjylar meýilnamany tassykladylar, bu meýilnama ýokary hilli ösüşi, innowasiýalary, ilatyň abadançylygyny, daşky gurşawa zyýanzyz özgerişligi we howpsuzlygy ileri tutýandyr, esasy görkezijiler bolsa ilatyň ýaşaýyş derejesine ünsi çeker.
Si Szinpin mejlisleriň dowamynda, maksatnamanyň netijeli durmuşa geçirilmeginiň möhümdigini belledi we Sziansu ýaly ykdysady taýdan güýçli sebitleriň täze çylşyrymly meselelerini öwrenmäge, durnuklylygy pugtalandyrmaga hem-de täze öndürijilik güýçlerini ösdürmäge itergi bermelidigini nygtady.
Si Szinpin “Sagdyn Hytaý” başlangyjyna hem ünsi çekip, lukmançylyk hyzmatlarynda, lukmançylyk ätiýaçlandyrma ulgamynda we derman pudagynda özgertmeleriň zerurdygyny, sanly we täze tehnologiýalaryň ulanylmagy bilen tutuş ýurt boýunça saglygy gowulandyrmagyň möhümdigini belledi.
Si Szinpin milli goranmak meselelerinde goşunlary döwrebaplaşdyrmak we Partiýanyň ornuny güýçlendirmek arkaly syýasy ygrarlylygy we aýratyn mümkinçilikleri strategik maksatlara gönükdirmekligi nygtady.
Si Szinpin ýurt bähbitli progressiw pikirlere eýermegiň, Partiýanyň berk dolandyrylyşyny üpjün etmegiň we häzirki zaman sosialistik Hytaýy gurmak üçin tagallalary dowam etdirmegiň zerurdygyny nygtamak bilen, sözüni jemledi.
