Hytaý ykdysadyýeti 2026-njy ýyla batly depginde başlady

Hytaýyň ykdysadyýeti 2026-njy ýylyň başynda batly badalga almak bilen, ýylyň ilkinji iki aýynda uly ösüşleri görkezi, esasy üns emeli intellekti ösdürmeklige we innowasion senagatlara gönükdirildi. Üstümizdäki ýylyň ýanwar – fewral aýlarynda ylmy we tehnologiki pudaklaryň satuw girdejisi ýyllyk hasaba görä 16.1% ýokarlandy, ylmy-barlag işleri we tehniki hyzmatlar 23.6% ösüş görkezdi. Edaralaryň sanly tehnologiýa çykdajylary 10.8% artdy, bu bolsa innowasiýa we sanly özgerişlikleriň çalt depginde barýandygyny görkezýändir.

Ýylyň ilkinji iki aýynda täze infrastruktura, programma üpjünçiligi we enjamlar boýunça şertnamalaryň jemi möçberi 25.7% ýokarlandy. Ösen önümçilik we emeli intellekt pudaklaryna maýa goýumlaryň möçberi 59% artdy, gymmaty bolsa 60% ýokarlandy. Täze işe başlan kärhanalaryň işjeňlik görkezijileri 15.7% ýokarlandy, innowasion kärhanalaryň işjeňlik görkezijileri bolsa 14.8% ýokarlandy. Emeli intellekt bilen baglanyşykly patentleriň möçberi 26.1% artdy.

Sarp edijiler bazary hem durnukly ösüşi saklady, sarp edijilik 3.8% ýokarlandy. Kiçi we mikro kärhanalaryň işjeňligini görkezýän tölegleriň möçberi 5.5% ýokarlandy.