Türkmen ýokary okuw mekdepleri «Lomonosow–2026» halkara ylmy forumynyň meýdançalaryna öwrüler
Türkmenistan M.W. Lomonosow adyndaky Moskwanyň döwlet uniwersiteti bilen akademiki hyzmatdaşlygyň çäklerini giňeldýär. 2026-njy ýylyň aprel aýynda ýurdumyzyň ýokary okuw mekdepleri giň gerimli «Lomonosow–2026» Halkara ýaşlar ylmy forumynyň geçirilmegine gatnaşarlar.
Forumyň esasy bölegi Moskwa şäherinde 10–25-nji aprel aralygynda geçiriler. Şeýle-de bolsa, ýokary okuw mekdepleriniň arasyndaky ýakyn hyzmatdaşlygyň netijesinde Aşgabat şäherinde Magtymguly adyndaky Türkmen döwlet uniwersitetiniň hem-de Döwletmämmet Azady adyndaky Türkmen milli dünýä dilleri institutynyň binýadynda sebit meýdançalary guralar.
Bu ýyl Türkmenistandaky forumyň maksatnamasy has giňeldildi: işler dört esasy ylmy ugur boýunça alnyp barylar:
• D. Azady adyndaky Türkmen milli dünýä dilleri instituty: daşary ýurt dilleri, sebiti öwreniş, terjime nazaryýeti we usulyýeti, filologiýa.
• Magtymguly adyndaky Türkmen döwlet uniwersiteti: himiýa ylymlary.
Forumyň işine 35 ýaşa çenli talyplar, aspirantlar we ýaş alymlar gatnaşyp bilerler. Bu bolsa olaryň öz ylmy gözleglerini hödürlemek, kärdeşler bilen tejribe alyşmak hem-de dünýäniň öňdebaryjy uniwersitetleriniň biriniň bilermenleri tarapyndan bahalandyrmak üçin ajaýyp mümkinçilikdir. Maslahatyň iş dilleri rus we iňlis dilleridir, gatnaşmak bolsa mugt.
Forumyň işine gatnaşmak üçin 2026-njy ýylyň 6-njy apreline çenli «Lomonosow» ylym-bilim portalynda hasaba durmak zerurdyr. Forumyň jemleri boýunça ähli gatnaşyjylara şahadatnamalar gowşurylar, iň gowy çykyşlaryň awtorlary bolsa hormat diplomlary bilen sylaglanylar. Şeýle başlangyçlaryň ösdürilmegi Türkmenistanyň halkara derejeli ýokary derejeli hünärmenleri taýýarlamak merkezleriniň biri hökmünde ornuny nygtaýar.
ORIENT
