“Ýandeksde” işewürlik üçin pikirlenýän emeli aň kömekçileri peýda boldy
Yandex B2B Tech kompaniýasy Yandex AI Studio platformasyny täzeledi. Indi bu platforma kompaniýalara çylşyrymly wezipeleri yzygiderli ýerine ýetirip bilýän hem-de uly göwrümli konteksti saklap bilýän emeli aň kömekçilerini döretmäge mümkinçilik berýär.
DeepSeek-V3.2 modeli esasynda döredilen kömekçiler bir wagtyň özünde pikirlenip hem-de daşarky goşundular bilen işläp bilýärler. Mysal üçin, olar tender tekliplerini deňeşdirip biler, tehniki hadysalary seljerip biler ýa-da awtomatiki synaglary işe girizip, repozitoriýalardan goşundylary ýerleşdirip biler.
Platforma korporatiw howpsuzlyk talaplaryny göz öňünde tutup işlenip taýýarlanyldy. Emeli aň kömekçileri goragly birikme arkaly kompaniýanyň içerki ulgamynda işläp bilýär. Şeýle ýagdaýda soraglar loglarda ýazga alynmaýar we ähli maglumat kompaniýanyň içinde saklanýar.
“Täzelenen infrastruktura we täze nyrhnamalar kompaniýalara emeli aň kömekçilerinden peýdalanmagyň çykdajylaryny ep-esli azaltmaga mümkinçilik berer. Biziň hasaplamalarymyza görä, käbir ýagdaýlarda çykdajylary dört esse ýa-da ondan hem köp azaltmak bolýar”, — diýip Yandex AI Studio bölüminiň ýolbaşçysy Artur Samigullin aýtdy.
ORIENT
