Seul koreý raýatlarynyň üstaşyr gecirilmeginde beren goldawy üçin Türkmenistana minnetdarlyk bildirdi
Ashgabat şäherinde Türkmenistanyň daşary işler ministriniň orunbasary Ahmet Gurbanow bilen Koreýa Respublikasynyň daşary işler ministriniň orunbasary Lim Sang-wu arasynda duşuşyk geçirildi. Gepleşikleriň esasy temasy geçiriljek ýokary derejedäki saparlara taýýarlyk hem-de sebitdäki häzirki ýagdaý boldy.
Gepleşikleriň dowamynda diplomatlar ýurtlaryň arasyndaky gatnaşyklaryň ýokary depgin bilen ösýändigini bellediler. Şeýle hem syýasy we konsullyk geňeşmeleriniň ikitaraplaýyn hyzmatdaşlygyň ähli ugurlaryny utgaşdyrýan möhüm gural hökmünde ähmiýeti aýratyn nygtaldy.
“Ynsanperwer geçelgesi” üçin minnetdarlyk duşuşygyň möhüm meseleleriniň biri hem Ýakyn Gündogardaky ýagdaý boýunça pikir alyşmalar boldy. Koreýa Respublikasynyň daşary işler ministriniň orunbasary Lim Sang-wu koreý raýatlarynyň Eýrandan ewakuasiýa edilmegi wagtynda olaryň üstaşyr geçirilmegine ýardam berendigi üçin türkmen tarapyna resmi minnetdarlyk bildirdi.
Bu minnetdarlyk beýanaty Türkmenistanyň sebitde möhüm howpsuzlyk ugry hökmünde çykyş edýändigi baradaky maglumatlar wagtynda ýaňlandy. 4-nji mart ýagdaýyna görä, Türkmenistanyň serhedinden 16 döwletiň 200-den gowrak raýaty geçdi.
