Hytaýyň aerobatika topary Singapur awiasiýa sergisiniň öňüsyrasynda synag uçuşyny geçirdi
Hepdäniň ýekşenbe güni Hytaý Halk Azat edijilik goşunynyň Harby-howa güýçleriniň “Baýi” aerobatik uçuş toparynyň ussat uçarmanlary Singapurda geçiriljek 10-njy Halkara awiasiýa sergisiniň öňüsyrasynda synag uçuşlaryny amala aşyrdylar.
Singapur awiasiýa sergisi 3-nji – 8-nji fewral aralygynda geçiriler. Aerobatika uçuş topary bu çärä 2020-nji ýylyň fewralyndan bäri ilkinji gezek gatnaşýandyr. Şeýle hem bu uçuşlar olaryň Singapurda J-10C kysymly söweşjeň uçarlary bilen ilkinji çykyşydyr.
Synag uçuşlarynyň dowamynda toparyň alty sany J-10C uçary iki topar bolup asmana göterildi. Soňra uçarlar biri-birine golaý uçup, bilelikde deňziň üstünden birnäçe ýokary derejeli aerobatiki uçuş hereketlerini ýerine ýetirdiler. Uçuş pes belentlikde, biri-birine gysga aralykly hatarda amala aşyryldy we gyzyl, sary we ak reňkli tüsseleri goýberip, uçuşy ussatlyk bilen ýerine ýetirdiler.
“J-10C uçarlaryna geçenimizden soň bu biziň Singapurda ilkinji çykyşymyzdyr. Alty ýyl arakesmeden soň, hünärmenlerimiz, enjamlarymyz we iş tertibimiz boýunça doly täze düzüm bilen dolanyp geldik” diýip, “Baýi” aerobatika uçuş toparynyň agzasy Lo Sze gürrüň berdi.
Awiasiýa sergisiniň guramaçylarynyň wekili aerobatika uçuş toparnyyň çykyşyna ýokary baha berip, olaryň aýratyn reňkli tüsse goýbermekleri we ussat ýerine ýetirilen çykyşlary bilen beýlekilerden tapawutlanýandygyny aýtdy.
Singapuryň, Awstraliýanyň we Indoneziýanyň aerobatika uçuş toparlary hem awiasiýa sergisiniň öňüsyrasynda özleriniň synag uçuşlaryny geçirdiler.
