Türkmenistan we Katar ýokary bilim tejribelerini paýlaşýarlar
26-njy ýanwarda Katar Döwletiniň Doha ylym we tehnologiýa uniwersitetiniň rektory Salem Nasser Al Naeminiň ýolbaşçylygyndaky wekiliýetiň Türkmenistana saparynyň dowamynda Türkmenistanyň Telekommunikasiýalar we informatika institutynda boldular. Wekilýetiň agzalary institutyň sergisine aýlanyp mugallymlaryň, talyplaryň işläp taýýarlan taslamalary we programma üpjünçilikleri bilen tanyşdylar. Myhmanlar institutyň muzeýine aýlanyp gördüler we onuň taryhy bilen tanyş boldular.
Şeýle hem Katar döwletiniň Doha ylym we tehnologiýa uniwersiteti bilen Türkmenistanyň Telekommunikasiýalar we informatika institutynyň arasynda özara düşünişmek hakynda Ähtnama gol çekmek dabarasy geçirildi.
Soňra Türkmenistanyň Telekommunikasiyalar we informatika institutynyň mugallymlarynyň we talyplarynyň gatnaşmagynda Doha ylym we tehnologiýa uniwersiteti bilen tanyşdyryş prezentasiýasy geçirildi. Onda Doha ylym we tehnologiýa uniwersitetiniň rektory Salem Nasser Al Naemi çykyş edip professor mugallymlaryň şeýle hem talyplaryň soraglaryna jojap berdi.
ORIENT
