Şombi Şarp: Söwda we baglanyşyk — parahatçylyk we ynanyşmak gün tertibiniň merkezinde
Aşgabatda geçirilen SPECA forumynyň çäklerinde BMG-niň Aziýa we Ýuwaş umman sebiti boýunça ykdysady we durmuş komissiýasynyň (UNESCAP) Ýerine ýetiriji sekretarynyň orunbasary Şombi Şarp sebitdäki amallar we halkara hyzmatdaşlygyny pugtalandyrmakda Türkmenistanyň tutýan orny baradaky öz garaýyşlaryny paýlaşdy.
Forumyň atmosferawy we Aşgabat barada
— Men Aşgabatda ilkinji gezek bolýaryn we bu sapara tüýs ýürekden begenýärin. Bizi türkmen paýtagtynyň gözelligini has-da açyp görkezýän ajaýyp garly howa garşylady. Bu ýerde, Türkmenistanyň başlyklyk etmeginde, biz BMG-niň Ýewropa ykdysady komissiýasyndaky kärdeşlerimiz, Bütindünýä bankynyň wekilleri we beýleki hyzmatdaşlarymyz bilen bilelikde iň zerur meseläni — söwda, energetika we suw serişdeleri ulgamlarynda Merkezi Aziýanyň özara baglanyşygyny çaltlandyrmagy ara alyp maslahatlaşýarys.
Diplomatik binýat barada
— Ýakynda bellenilen Türkmenistanyň hemişelik Bitaraplygynyň 30 ýyllygy Halkara parahatçylyk we ynanyşmak ýylyny öňe sürmegiň ähmiýetini ýene bir gezek tassyklady. Bu gymmatlyklar biziň gün tertibimiziň esasynda durýar. Sanly ulag, elektron söwda we BMG-niň çarçuwaly konwensiýalarynyň durmuşa geçirilmegi — bular syýasy ynanyşmagy ykdysady ösüşe öwürýän gurallardyr.
Türkmenistanyň liderligi barada
— Türkmenistan — ESCAP-yň strategik hyzmatdaşydyr. Biz ýurduň durnukly ulagy döwrebaplaşdyrmakdaky ornuna ýokary baha berýäris. Aşgabadyň başlangyjy bilen BMG Baş Assambleýasy tarapyndan birnäçe kararnamalar kabul edildi we Durnukly ulagyň dostlary toparyny işjeň öňe sürýär. Häzir, biz howanyň durnuklylygy we «ýaşyl» energetika barada gürrüň etýän wagtymyzda, sebitiň depgini geljekki hyzmatdaşlykda işjeňlik üçin ähli esaslary berýär.
ORIENT
